헬라어 문장 검색 - ΑπολλόΛιβραρψ́2́06́03́

(아폴로도로스, Library and Epitome, book 1, chapter 6 3:)

ὡσ δ’ ἐκράτησαν οἱ θεοὶ τῶν Γιγάντων, Γῆ μᾶλλον χολωθεῖσα μίγνυται Ταρτάρῳ, καὶ γεννᾷ Τυφῶνα ἐν Κιλικίᾳ, μεμιγμένην ἔχοντα φύσιν ἀνδρὸσ καὶ θηρίου. οὗτοσ μὲν καὶ μεγέθει καὶ δυνάμει πάντων διήνεγκεν ὅσουσ ἐγέννησε Γῆ, ἦν δὲ αὐτῷ τὰ μὲν ἄχρι μηρῶν ἄπλετον μέγεθοσ ἀνδρόμορφον, ὥστε ὑπερέχειν μὲν πάντων τῶν ὀρῶν, ἡ δὲ κεφαλὴ πολλάκισ καὶ τῶν ἄστρων ἔψαυε· χεῖρασ δὲ εἶχε τὴν μὲν ἐπὶ τὴν ἑσπέραν ἐκτεινομένην τὴν δὲ ἐπὶ τὰσ ἀνατολάσ· ἐκ τούτωνδὲ ἐξεῖχον ἑκατὸν κεφαλαὶ δρακόντων. τὰ δὲ ἀπὸ μηρῶν σπείρασ εἶχεν ὑπερμεγέθεισ ἐχιδνῶν, ὧν ὁλκοὶ πρὸσ αὐτὴν ἐκτεινόμενοι κορυφὴν συριγμὸν πολὺν ἐξίεσαν. πᾶν δὲ αὐτοῦ τὸ σῶμα κατεπτέρωτο, αὐχμηραὶ δὲ ἐκ κεφαλῆσ καὶ γενύων τρίχεσ ἐξηνέμωντο, πῦρ δὲ ἐδέρκετο τοῖσ ὄμμασι. τοιοῦτοσ ὢν ὁ Τυφὼν καὶ τηλικοῦτοσ ἡμμένασ βάλλων πέτρασ ἐπ’ αὐτὸν τὸν οὐρανὸν μετὰ συριγμῶν ὁμοῦ καὶ βοῆσ ἐφέρετο· πολλὴν δὲ ἐκ τοῦ στόματοσ πυρὸσ ἐξέβρασσε ζάλην. θεοὶ δ’ ὡσ εἶδον αὐτὸν ἐπ’ οὐρανὸν ὁρμώμενον, εἰσ Αἴγυπτον φυγάδεσ ἐφέροντο, καὶ διωκόμενοι τὰσ ἰδέασ μετέβαλον εἰσ ζῷα. Ζεὺσ δὲ πόρρω μὲν ὄντα Τυφῶνα ἔβαλλε κεραυνοῖσ, πλησίον δὲ γενόμενον ἀδαμαντίνῃ κατέπληττεν ἁρ́πῃ, καὶ φεύγοντα ἄχρι τοῦ Κασίου ὄρουσ συνεδίωξε· τοῦτο δὲ ὑπέρκειται Συρίασ. κεῖθι δὲ αὐτὸν κατατετρωμένον ἰδὼν εἰσ χεῖρασ συνέβαλε. Τυφὼν δὲ ταῖσ σπείραισ περιπλεχθεὶσ κατέσχεν αὐτόν, καὶ τὴν ἁρ́πην περιελόμενοσ τά τε τῶν χειρῶν καὶ ποδῶν διέτεμε νεῦρα, ἀράμενοσ δὲ ἐπὶ τῶν ὤμων διεκόμισεν αὐτὸν διὰ τῆσ θαλάσσησ εἰσ Κιλικίαν καὶ παρελθὼν εἰσ τὸ Κωρύκιον ἄντρον κατέθετο. ὁμοίωσ δὲ καὶ τὰ νεῦρα κρύψασ ἐν ἄρκτου δορᾷ κεῖθι ἀπέθετο, καὶ κατέστησε φύλακα Δελφύνην δράκαιναν· ἡμίθηρ δὲ ἦν αὕτη ἡ κόρη. Ἑρμῆσ δὲ καὶ Αἰγίπαν ἐκκλέψαντεσ τὰ νεῦρα ἡρ́μοσαν τῷ Διὶ λαθόντεσ. Ζεὺσ δὲ τὴν ἰδίαν ἀνακομισάμενοσ ἰσχύν, ἐξαίφνησ ἐξ οὐρανοῦ ἐπὶ πτηνῶν ὀχούμενοσ ἵππων ἁρ́ματι, βάλλων κεραυνοῖσ ἐπ’ ὄροσ ἐδίωξε Τυφῶνα τὸ λεγόμενον Νῦσαν, ὅπου μοῖραι αὐτὸν διωχθέντα ἠπάτησαν· πεισθεὶσ γὰρ ὅτι ῥωσθήσεται μᾶλλον, ἐγεύσατο τῶν ἐφημέρων καρπῶν. διόπερ ἐπιδιωκόμενοσ αὖθισ ἧκεν εἰσ Θρᾴκην, καὶ μαχόμενοσ περὶ τὸν Αἷμον ὅλα ἔβαλλεν ὄρη. τούτων δὲ ἐπ’ αὐτὸν ὑπὸ τοῦ κεραυνοῦ πάλιν ὠθουμένων πολὺ ἐπὶ τοῦ ὄρουσ ἐξέκλυσεν αἷμα· καί φασιν ἐκ τούτου τὸ ὄροσ κληθῆναι Αἷμον. φεύγειν δὲ ὁρμηθέντι αὐτῷ διὰ τῆσ Σικελικῆσ θαλάσσησ Ζεὺσ ἐπέρριψεν Αἴτνην ὄροσ ἐν Σικελίᾳ· τοῦτο δὲ ὑπερμέγεθέσ ἐστιν, ἐξ οὗ μέχρι δεῦρό φασιν ἀπὸ τῶν βληθέντων κεραυνῶν γίνεσθαι πυρὸσ ἀναφυσήματα. ἀλλὰ περὶ μὲν τούτων μέχρι τοῦ δεῦρο ἡμῖν λελέχθω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Apollodorus, Library and Epitome, book 1, chapter 6 3:

(아폴로도로스, Library and Epitome, book 1, chapter 6 3:)

상위

목록

SEARCH

MENU NAVIGATION