헬라어 문장 검색 - Αεσξηψ́Αγαμεμν́09́00́00́

(아이스킬로스, 아가멤논, episode)

εἴσω κομίζου καὶ σύ, Κασάνδραν λέγω, ἐπεί σ’ ἔθηκε Ζεὺσ ἀμηνίτωσ δόμοισ κοινωνὸν εἶναι χερνίβων, πολλῶν μέτα δούλων σταθεῖσαν κτησίου βωμοῦ πέλασ· ἔκβαιν’ ἀπήνησ τῆσδε, μηδ’ ὑπερφρόνει. καὶ παῖδα γάρ τοί φασιν Ἀλκμήνησ ποτὲ πραθέντα τλῆναι δουλίασ μάζησ τυχεῖν. εἰ δ’ οὖν ἀνάγκη τῆσδ’ ἐπιρρέποι τύχησ, ἀρχαιοπλούτων δεσποτῶν πολλὴ χάρισ. οἳ δ’ οὔποτ’ ἐλπίσαντεσ ἤμησαν καλῶσ, ὠμοί τε δούλοισ πάντα καὶ παρὰ στάθμην. ἔχεισ παρ’ ἡμῶν οἱᾶ́ περ νομίζεται. σοί τοι λέγουσα παύεται σαφῆ λόγον. ἐντόσ δ’ ἂν οὖσα μορσίμων ἀγρευμάτων πείθοι’ ἄν, εἰ πείθοι’· ἀπειθοίησ δ’ ἴσωσ. ἀλλ’ εἴπερ ἐστι μὴ χελιδόνοσ δίκην ἀγνῶτα φωνὴν βάρβαρον κεκτημένη, ἔσω φρενῶν λέγουσα πείθω νιν λόγῳ. ἕπου. τὰ λῷστα τῶν παρεστώτων λέγει. πιθοῦ λιποῦσα τόνδ’ ἁμαξήρη θρόνον. οὔτοι θυραίᾳ τῇδ’ ἐμοὶ σχολὴ πάρα τρίβειν· τὰ μὲν γὰρ ἑστίασ μεσομφάλου ἕστηκεν ἤδη μῆλα πρὸσ σφαγὰσ πάροσ, ὡσ οὔποτ’ ἐλπίσασι τήνδ’ ἕξειν χάριν. σὺ δ’ εἴ τι δράσεισ τῶνδε, μὴ σχολὴν τίθει. εἰ δ’ ἀξυνήμων οὖσα μὴ δέχῃ λόγον, σὺ δ’ ἀντὶ φωνῆσ φράζε καρβάνῳ χερί. ἑρμηνέωσ ἐοίκεν ἡ ξένη τοροῦ δεῖσθαι· τρόποσ δὲ θηρὸσ ὡσ νεαιρέτου. ἦ μαίνεταί γε καὶ κακῶν κλύει φρενῶν, ἥτισ λιποῦσα μὲν πόλιν νεαίρετον ἥκει, χαλινὸν δ’ οὐκ ἐπίσταται φέρειν, πρὶν αἱματηρὸν ἐξαφρίζεσθαι μένοσ. οὐ μὴν πλέω ῥίψασ’ ἀτιμασθήσομαι. ἐγὼ δ’, ἐποικτίρω γάρ, οὐ θυμώσομαι. ἴθ’, ὦ τάλαινα, τόνδ’ ἐρημώσασ’ ὄχον, εἴκουσ’ ἀνάγκῃ τῇδε καίνισον ζυγόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Agamemnon, episode

(아이스킬로스, 아가멤논, episode)

상위

목록

SEARCH

MENU NAVIGATION