헬라어 문장 검색 - Ηιπποξ́Ηιπποξρ́2́09́0́

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, ix.)

Περὶ μὲν οὖν ὀμβρίων ὑδάτων καὶ τῶν ἀπὸ χιόνοσ καὶ κρυστάλλων οὕτωσ ἔχει. λιθιῶσι δὲ μάλιστα ἄνθρωποι καὶ ὑπὸ νεφριτίδων καὶ στραγγουρίησ ἁλίσκονται καὶ ἰσχιάδων, καὶ κῆλαι γίνονται, ὅκου ὕδατα πίνουσι παντοδαπώτατα καὶ ἀπὸ ποταμῶν μεγάλων, ἐσ οὓσ ποταμοὶ ἕτεροι ἐμβάλλουσι, καὶ ἀπὸ λίμνησ, ἐσ ἣν Ῥεύματα πολλὰ καὶ παντοδαπὰ ἀφικνεῦνται, καὶ ὁκόσοι ὕδασιν ἐπακτοῖσι χρέονται διὰ μακροῦ ἀγομένοισι καὶ μὴ ἐκ βραχέοσ. οὐ γὰρ οἱο͂́ν τε ἕτερον ἑτέρῳ ἐοικέναι ὕδωρ, ἀλλὰ τὰ μὲν γλυκέα εἶναι, τὰ δὲ ἁλυκά τε καὶ στυπτηριώδεα, τὰ δὲ ἀπὸ θερμῶν Ῥεῖν. συμμισγόμενα δὲ ταῦτα ἐσ τωὐτὸ ἀλλήλοισι στασιάζει καὶ κρατεῖ αἰεὶ τὸ ἰσχυρότατον. ἰσχύει δὲ οὐκ αἰεὶ τωὐτό, ἀλλὰ ἄλλοτε ἄλλο κατὰ τὰ πνεύματα‧ τῷ μὲν γὰρ βορέησ τὴν ἰσχὺν παρέχεται, τῷ δὲ ὁ νότοσ, καὶ τῶν λοιπῶν πέρι ωὑτὸσ λόγοσ. ὑφίστασθαι οὖν τοῖσι τοιούτοισιν ἀνάγκη ἐν τοῖσ ἀγγείοισ ἰλὺν καὶ ψάμμον‧ καὶ ἀπὸ τούτων πινομένων τὰ νοσήματα γίνεται τὰ προειρημένα‧ ὅτι δὲ οὐχ ἅπασιν, ἑξῆσ φράσω. Ὁκόσων μὲν ἥ τε κοιλίη εὔροόσ τε καὶ ὑγιηρή ἐστι καὶ ἡ κύστισ μὴ πυρετώδησ μηδὲ ὁ στόμαχοσ τῆσ κύστιοσ συμπέφρακται λίην, οὗτοι μὲν διου ρεῦσι Ῥηϊδίωσ, καὶ ἐν τῇ κύστει οὐδὲν συστρέφεται. ὁκόσων δὲ ἂν ἡ κοιλίη πυρετώδησ ᾖ, ἀνάγκη καὶ τὴν κύστιν τωὐτὸ πάσχειν. ὁκόταν γὰρ θερμανθῇ μᾶλλον τῆσ φύσιοσ, ἐφλέγμηνεν αὐτῆσ ὁ στόμαχοσ. ὁκόταν δὲ ταῦτα πάθῃ, τὸ οὖρον οὐκ ἀφίησιν, ἀλλ’ ἐν ἑωυτῇ συνέψει καὶ συγκαίει. καὶ τὸ μὲν λεπτότατον αὐτοῦ ἀποκρίνεται καὶ τὸ καθαρώτατον διιεῖ καὶ ἐξουρεῖται, τὸ δὲ παχύτατον καὶ θολωδέστατον συστρέφεται καὶ συμπήγνυται. καὶ τὸ μὲν πρῶτον μικρόν, ἔπειτα δὲ μέζον γίνεται. κυλινδεύμενον γὰρ ὑπὸ τοῦ οὔρου, ὅ τι ἂν συνίστηται παχύ, συναρμόζει πρὸσ ἑωυτό, καὶ οὕτωσ αὔξεταί τε καὶ πωροῦται‧ καὶ ὁκόταν οὐρῇ, πρὸσ τὸν στόμαχον τῆσ κύστιοσ προσπίπτει ὑπὸ τοῦ οὔρου βιαζόμενον καὶ κωλύει οὐρεῖν καὶ ὀδύνην παρέχει ἰσχυρήν‧ ὥστε τὰ αἰδοῖα τρίβουσι καὶ ἕλκουσι τὰ παιδία τὰ λιθιῶντα‧ δοκεῖ γὰρ αὐτοῖσ τὸ αἴτιον ἐνταῦθα εἶναι τῆσ οὐρήσιοσ. τεκμήριον δέ, ὅτι οὕτωσ ἔχει‧ τὸ γὰρ οὖρον λαμπρότατον οὐρέουσιν οἱ λιθιῶντεσ, ὅτι τὸ παχύτατον καὶ θολωδέστατον αὐτοῦ μένει καὶ συστρέφεται. τὰ μὲν πλεῖστα οὕτω λιθιᾷ‧ γίνεται δὲ παισὶν καὶ ἀπὸ τοῦ γάλακτοσ, ἢν μὴ ὑγιηρὸν ᾖ, ἀλλὰ θερμόν τε λίην καὶ χολῶδεσ. τὴν γὰρ κοιλίην διαθερμαίνει καὶ τὴν κύστιν, ὥστε τὸ οὖρον συγκαιόμενον ταῦτα πάσχειν. καί φημι ἄμεινον εἶναι τοῖσ παιδίοισι τὸν οἶνον ὡσ ὑδαρέστατον διδόναι‧ ἧσσον γὰρ τὰσ φλέβασ συγκαίει καὶ συναυαίνει. τοῖσι δὲ θήλεσι λίθοι οὐ γίνονται ὁμοίωσ‧ ὁ γὰρ οὐρητὴρ βραχύσ ἐστιν ὁ τῆσ κύστιοσ καὶ εὐρύσ, ὥστε βιάζεσθαι τὸ οὖρον Ῥηϊδίωσ. οὔτε γὰρ τῇ χειρὶ τρίβει τὸ αἰδοῖον ὥσπερ τὸ ἄρσεν, οὔτε ἅπτεται τοῦ οὐρητῆροσ‧ ἐσ γὰρ τὰ αἰδοῖα ξυντέτρηνται, οἱ δὲ ἄνδρεσ οὐκ εὐθὺ τέτρηνται, καὶ διότι οἱ οὐρητῆρεσ οὐκ εὐρεῖσ‧ καὶ πίνουσι πλεῖον ἢ οἱ παῖδεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, ix.

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, ix.)

상위

목록

SEARCH

MENU NAVIGATION