헬라어 문장 검색 - Ηιπποξ́Ηιπποξρ́2́22́0́

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xxii.)

Ἔτι τε πρὸσ τούτοισιν εὐνουχίαι γίνονται οἱ πλεῖστοι ἐν Σκύθῃσι καὶ γυναικεῖα ἐργάζονται καὶ ὡσ αἱ γυναῖκεσ διαιτεῦνται διαλέγονταί τε ὁμοίωσ‧ καλεῦνταί τε οἱ τοιοῦτοι Ἀναριεῖσ. οἱ μὲν οὖν ἐπιχώριοι τὴν αἰτίην προστιθέασι θεῷ καὶ σέβονται τούτουσ τοὺσ ἀνθρώπουσ καὶ προσκυνέουσι, δεδοικότεσ περὶ ἑωυτῶν ἕκαστοι. ἐμοὶ δὲ καὶ αὐτῷ δοκεῖ ταῦτα τὰ πάθεα θεῖα εἶναι καὶ τἄλλα πάντα καὶ οὐδὲν ἕτερον ἑτέρου θειότερον οὐδὲ ἀνθρωπινώτερον, ἀλλὰ πάντα ὁμοῖα καὶ πάντα θεῖα. ἕκαστον δὲ αὐτῶν ἔχει φύσιν τὴν ἑωυτοῦ καὶ οὐδὲν ἄνευ φύσιοσ γίνεται. καὶ τοῦτο τὸ πάθοσ ὥσ μοι δοκεῖ γίνεσθαι φράσω‧ ὑπὸ τῆσ ἱππασίησ αὐτοὺσ κέδματα λαμβάνει, ἅτε αἰεὶ κρεμαμένων ἀπὸ τῶν ἵππων τοῖσ ποσίν‧ ἔπειτα ἀποχωλοῦνται καὶ ἑλκοῦνται τὰ ἰσχία, οἳ ἂν σφόδρα νοσήσωσιν. ἰῶνται δὲ σφᾶσ αὐτοὺσ τρόπῳ τοιῷδε. ὁκόταν γὰρ ἄρχηται ἡ νοῦσοσ, ὄπισθεν τοῦ ὠτὸσ ἑκατέρου φλέβα τάμνουσιν. ὁκόταν δὲ ἀπορρυῇ τὸ αἷμα, ὕπνοσ ὑπολαμβάνει ὑπὸ ἀσθενείησ καὶ καθεύδουσιν. ἔπειτα ἀνεγείρονται, οἱ μέν τινεσ ὑγιέεσ ἐόντεσ, οἱ δ’ οὔ. ἐμοὶ μὲν οὖν δοκεῖ ἐν ταύτῃ τῇ ἰήσει διαφθείρεσθαι ὁ γόνοσ. εἰσὶ γὰρ παρὰ τὰ ὦτα φλέβεσ, ἃσ ἐάν τισ ἐπιτάμῃ, ἄγονοι γίνονται οἱ ἐπιτμηθέντεσ. ταύτασ τοίνυν μοι δοκέουσι τὰσ φλέβασ ἐπιτάμνειν. οἱ δὲ μετὰ ταῦτα ἐπειδὰν ἀφίκωνται παρὰ γυναῖκασ καὶ μὴ οἱοῖ́ τ’ ἐώσι χρῆσθαί σφισιν, τὸ πρῶτον οὐκ ἐνθυμεῦνται, ἀλλ’ ἡσυχίην ἔχουσι. ὁκόταν δὲ δὶσ καὶ τρὶσ καὶ πλεονάκισ αὐτοῖσι πειρωμένοισι μηδὲν ἀλλοιότερον ἀποβαίνῃ, νομίσαντέσ τι ἡμαρτηκέναι τῷ θεῷ, ὃν ἐπαιτιῶνται, ἐνδύονται στολὴν γυναικείην καταγνόντεσ ἑωυτῶν ἀνανδρείην. γυναικίζουσί τε καὶ ἐργάζονται μετὰ τῶν γυναικῶν ἃ καὶ ἐκεῖναι. Τοῦτο δὲ πάσχουσι Σκυθέων οἱ πλούσιοι, οὐχ οἱ κάκιστοι ἀλλ’ οἱ εὐγενέστατοι καὶ ἰσχὺν πλείστην κεκτημένοι, διὰ τὴν ἱππασίην, οἱ δὲ πένητεσ ἧσσον‧ οὐ γὰρ ἱππάζονται. καίτοι ἐχρῆν, ἐπεὶ θειότερον τοῦτο τὸ νόσευμα τῶν λοιπῶν ἐστιν, οὐ τοῖσ γενναιοτάτοισ τῶν Σκυθέων καὶ τοῖσ πλουσιωτάτοισ προσπίπτειν μούνοισ, ἀλλὰ τοῖσ ἅπασιν ὁμοίωσ, καὶ μᾶλλον τοῖσιν ὀλίγα κεκτημένοισιν, εἰ δὴ τιμώμενοι χαίρουσιν οἱ θεοὶ καί θαυμαζόμενοι ὑπ’ ἀνθρώπων καὶ ἀντὶ τούτων χάριτασ ἀποδιδόασιν. εἰκὸσ γὰρ τοὺσ μὲν πλουσίουσ θύειν πολλὰ τοῖσ θεοῖσ καὶ ἀνατιθέναι ἀναθήματα ἐόντων χρημάτων πολλῶν καὶ τιμᾶν, τοὺσ δὲ πένητασ ἧσσον διὰ τὸ μὴ ἔχειν, ἔπειτα καὶ ἐπιμεμφομένουσ ὅτι οὐ διδόασι χρήματα αὐτοῖσιν, ὥστε τῶν τοιούτων ἁμαρτιῶν τὰσ ζημίασ τοὺσ ὀλίγα κεκτημένουσ φέρειν μᾶλλον ἢ τοὺσ πλουσίουσ. ἀλλὰ γάρ, ὥσπερ καὶ πρότερον ἔλεξα, θεῖα μὲν καὶ ταῦτά ἐστιν ὁμοίωσ τοῖσ ἄλλοισ‧ γίνεται δὲ κατὰ φύσιν ἕκαστα. καὶ ἡ τοιαύτη νοῦσοσ ἀπὸ τοιαύτησ προφάσιοσ τοῖσ Σκύθῃσι γίνεται οἱήν εἴρηκα. ἔχει δὲ καὶ κατὰ τοὺσ λοιποὺσ ἀνθρώπουσ ὁμοίωσ. ὅκου γὰρ ἱππάζονται μάλιστα καὶ πυκνότατα, ἐκεῖ πλεῖστοι ὑπὸ κεδμάτων καὶ ἰσχιάδων καὶ ποδαγριῶν ἁλίσκονται καὶ λαγνεύειν κάκιστοί εἰσι. ταῦτα δὲ τοῖσι Σκύθῃσι πρόσεστι, καὶ εὐνουχοειδέστατοί εἰσιν ἀνθρώπων διὰ ταύτασ τε τὰσ προφάσιασ καὶ ὅτι ἀναξυρίδασ ἔχουσιν αἰεὶ καί εἰσιν ἐπὶ τῶν ἵππων τὸ πλεῖστον τοῦ χρόνου, ὥστε μήτε χειρὶ ἅπτεσθαι τοῦ αἰδοίου, ὑπό τε τοῦ ψύχεοσ καὶ τοῦ κόπου ἐπιλήθεσθαι τοῦ ἱμέρου καὶ τῆσ μείξιοσ, καὶ μηδὲν παρακινεῖν πρότερον ἢ ἀνανδρωθῆναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xxii.

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xxii.)

상위

목록

SEARCH

MENU NAVIGATION