헬라어 문장 검색 - ΣτραβόΓεογραπ́13́03́004́

(스트라본, 지리학, Book 13, chapter 3 4:)

εἰκοτολογεῖν δ’ ἔστι κἂν εἴ τισ τὸν ἀκριβῆ ζητεῖ κατὰ τὸν ποιητὴν ὁρ́ον μέχρι τίνοσ οἱ Κίλικεσ διέτεινον καὶ οἱ Πελασγοὶ καὶ ἔτι οἱ μεταξὺ τούτων Κήτειοι λεγόμενοι οἱ ὑπὸ τῷ Εὐρυπύλῳ. περὶ μὲν οὖν τῶν Κιλίκων καὶ τῶν ὑπ’ Εὐρυπύλῳ τὰ ἐνόντα εἴρηται, καὶ διότι ἐπὶ τὰ περὶ τὸν Κάικον μάλιστα περατοῦνται. τοὺσ δὲ Πελασγοὺσ εὔλογον τούτοισ ἐφεξῆσ τιθέναι ἔκ τε τῶν ὑφ’ Ὁμήρου λεγομένων καὶ ἐκ τῆσ ἄλλησ ἱστορίασ. ὁ μὲν γὰρ οὕτω φησίν Ἱππόθοοσ δ’ ἄγε φῦλα Πελασγῶν ἐγχεσιμώρων, τῶν οἳ Λάρισαν ἐριβώλακα ναιετάασκον· τῶν ἦρχ’ Ἱππόθοόσ τε Πύλαιόσ τ’ ὄζοσ Ἄρηοσ, υἱε͂ δύω Λήθοιο Πελασγοῦ Τευταμίδαο. ἐξ ὧν πλῆθόσ τε ἐμφαίνει ἀξιόλογον τὸ τῶν Πελασγῶν οὐ γὰρ φῦλον, ἀλλὰ φῦλα ἔφη καὶ τὴν οἴκησιν ἐν Λαρίσῃ φράζει. πολλαὶ μὲν οὖν αἱ Λάρισαι, δεῖ δὲ τῶν ἐγγύσ τινα δέξασθαι, μάλιστα δ’ ἂν τὴν περὶ Κύμην ὑπολάβοι τισ ὀρθῶσ· τριῶν γὰρ οὐσῶν ἡ μὲν καθ’ Ἁμαξιτὸν ἐν ὄψει τελέωσ ἐστὶ τῷ Ἰλίῳ, καὶ ἐγγὺσ σφόδρα ἐν διακοσίοισ που σταδίοισ, ὥστ’ οὐκ ἂν λέγοιτο πιθανῶσ ὁ Ἱππόθοοσ πεσεῖν ἐν τῷ ὑπὲρ Πατρόκλου ἀγῶνι "τῆλ’ ἀπὸ Λαρίσησ," ταύτησ γε, ἀλλὰ μᾶλλον τῆσ περὶ Κύμην· χίλιοι γάρ που στάδιοι μεταξύ· τρίτη δ’ ἐστὶ Λάρισα κώμη τῆσ Ἐφεσίασ ἐν τῷ Καϋστρίῳ πεδίῳ, ἥν φασι πόλιν ὑπάρξαι πρότερον, ἔχουσαν καὶ ἱερὸν Ἀπόλλωνοσ Λαρισηνοῦ, πλησιάζουσαν τῷ Τμώλῳ μᾶλλον ἢ τῇ Ἐφέσῳ· ταύτησ γὰρ ἑκατὸν καὶ ὀγδοήκοντα διέχει σταδίουσ, ὥστε ὑπὸ τοῖσ Μῄοσιν ἄν τισ τάττοι ταύτην. Ἐφέσιοι δ’ αὐξηθέντεσ ὕστερον πολλὴν τῆσ τῶν Μῃόνων, οὓσ νῦν Λυδοὺσ φαμέν, ἀπετέμοντο, ὥστ’ οὐδ’ αὕτη ἂν ἡ τῶν Πελασγῶν Λάρισα εἰή, ἀλλ’ ἐκείνη μᾶλλον. καὶ γὰρ τῆσ μὲν ἐν τῇ Καϋστριανῇ Λαρίσησ οὐδὲν ἔχομεν τεκμήριον ἰσχυρὸν ὡσ ἦν ἤδη τότε· οὐδὲ γὰρ τῆσ Ἐφέσου. τῆσ δὲ περὶ τὴν Κύμην μαρτύριόν ἐστι πᾶσα ἡ Αἰολικὴ ἱστορία μικρὸν ὕστερον τῶν Τρωικῶν γενομένη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 13, chapter 3 4:

(스트라본, 지리학, Book 13, chapter 3 4:)

상위

목록

SEARCH

MENU NAVIGATION