Xenophon, Cyropaedia, Κύρου Παιδείασ Ε, chapter 2 36:

τί οὖν, ἔφη, τοῦτο χαλεπόν; ὅτι νὴ Δί’, ἔφη ὁ Γωβρύασ, οἶδα ἐξελθοῦσαν <ἂν> δύναμιν ἐξ αὐτῆσ πολλαπλασίαν ἧσ σὺ ἔχεισ νῦν· εὖ δ’ ἴσθι ὅτι καὶ δι’ αὐτὸ τοῦτο ἧττόν σοι νῦν ἢ τὸ πρότερον Ἀσσύριοι καὶ τὰ ὅπλα ἀποφέρουσι καὶ τοὺσ ἵππουσ ἀπάγουσιν, ὅτι τοῖσ ἰδοῦσιν αὐτῶν ὀλίγη ἔδοξεν εἶναι ἡ σὴ δύναμισ· καὶ ὁ λόγοσ οὗτοσ πολὺσ ἤδη ἔσπαρται· δοκεῖ δέ μοι, ἔφη, βέλτιον εἶναι φυλαττομένουσ πορεύεσθαι.