Xenophon, Cyropaedia, Κύρου Παιδείασ Ε, chapter 5 11:

εἰπέ μοι, ἔφη, πρὸσ τῶν θεῶν, ὦ θεῖε, τί μοι ὀργίζῃ καὶ τί χαλεπὸν ὁρῶν οὕτω χαλεπῶσ φέρεισ; ἐνταῦθα δὴ ὁ Κυαξάρησ ἀπεκρίνατο· ὅτι, ὦ Κῦρε, δοκῶν γε δὴ ἐφ’ ὅσον ἀνθρώπων μνήμη ἐφικνεῖται καὶ τῶν πάλαι προγόνων καὶ πατρὸσ βασιλέωσ πεφυκέναι καὶ αὐτὸσ βασιλεὺσ νομιζόμενοσ εἶναι, ἐμαυτὸν μὲν ὁρῶ οὕτω ταπεινῶσ καὶ ἀναξίωσ ἐλαύνοντα, σὲ δὲ τῇ ἐμῇ θεραπείᾳ καὶ τῇ ἄλλῃ δυνάμει μέγαν τε καὶ μεγαλοπρεπῆ παρόντα.