헬라어 문장 검색 - Τηεοξρ́Ιδψλλσ́19́0́0́

(테오크리토스, Idylls, Ἑλένησ Ἐπιθάλαμιος)

Ἔν ποκ’ ἄρα Σπάρτᾳ ξανθότριχι πὰρ Μενελάῳ παρθενικαὶ θάλλοντα κόμαισ ὑάκινθον ἔχοισαι πρόσθε νεογράπτω θαλάμω χορὸν ἐστάσαντο, δώδεκα ταὶ πρᾶται πόλιοσ, μέγα χρῆμα Λακαινᾶν, ἁνίκα Τυνδαριδᾶν κατεδέξατο τὰν ἀγαπητὰν μναστεύσασ Ἑλέναν ὁ νεώτεροσ Ἀτρέοσ υἱόσ. ἀείδον δ’ ἄρα πᾶσαι ἐσ ἓν μέλοσ ἐγκροτέοισαι ποσσὶ περιπλέκτοισ, ὑπὸ δ’ ἰάχε δῶμ’ ὑμεναίῳ. Οὕτω δὴ πρωιζὲ κατέδραθεσ ὦ φίλε γαμβρέ; ἦ ῥά τισ ἐσσὶ λίαν βαρυγούνατοσ; ἦ ῥα φίλυπνοσ; ἦ ῥα πολύν τιν’ ἔπινεσ, ὅτ’ εἰσ εὐνὰν κατεβάλλευ; εὕδειν μὰν σπεύδοντα καθ’ ὡρ́αν αὐτὸν ἐχρῆν τυ, παῖδα δ’ ἐᾶν σὺν παισὶ φιλοστόργῳ παρὰ ματρὶ παίσδειν ἐσ βαθὺν ὄρθρον, ἐπεὶ καὶ ἔνασ καὶ ἐσ ἀῶ κεἰσ ἔτοσ ἐξ ἔτεοσ Μενέλαε τεὰ νυὸσ ἅδε. ὄλβιε γάμβρ’, ἀγαθόσ τισ ἐπέπταρεν ἐρχομένῳ τοι ἐσ Σπάρταν, ἅπερ ὥλλοι ἀριστέεσ, ὡσ ἀνύσαιο. μοῦνοσ ἐν ἡμιθέοισ Κρονίδαν Δία πενθερὸν ἑξεῖσ. Ζανόσ τοι θυγάτηρ ὑπὸ τὰν μίαν ἵκετο χλαῖναν, οἱά Ἀχαιιάδων γαῖαν πατεῖ οὐδὲ μί’ ἄλλα. ἦ μέγα κέν τι τέκοιτ’, εἰ ματέρι τίκτοι ὁμοῖον. ἄμμεσ δ’ αἱ πᾶσαι συνομάλικεσ, αἷσ δρόμοσ ωὑτόσ χρισαμέναισ ἀνδριστὶ παρ’ Εὐρώταο λοετροῖσ, τετράκισ ἑξήκοντα κόραι, θῆλυσ νεολαία, τᾶν οὐδέν τισ ἄμωμοσ, ἐπεί χ’ Ἑλένᾳ παρισωθῇ. Ἀὼσ ἀντέλλοισα καλὸν διέφανε πρόσωπον, πότνια νὺξ τό τε λευκὸν ἐάρ χειμῶνοσ ἀνέντοσ· ὧδε καὶ ἁ χρυσέα Ἑλένα διαφαίνετ’ ἐν ἁμῖν. πιείρᾳ μέγα λᾷον ἀνέδραμε κόσμοσ ἀρούρᾳ ἢ κάπῳ κυπάρισσοσ ἢ ἁρ́ματι Θεσσαλὸσ ἵπποσ· ὧδε καὶ ἁ ῥοδόχρωσ Ἑλένα Λακεδαίμονι κόσμοσ. οὔτέ τισ ἐκ ταλάρω πανίσδεται ἔργα τοιαῦτα, οὔτ’ ἐνὶ δαιδαλέῳ πυκινώτερον ἄτριον ἱστῷ κερκίδι συμπλέξασα μακρῶν ἔταμ’ ἐκ κελεόντων. οὐ μὰν οὐδὲ λύραν τισ ἐπίσταται ὧδε κροτῆσαι Ἄρτεμιν ἀείδοισα καὶ εὐρύστερνον Ἀθάναν, ὡσ Ἑλένα, τᾶσ πάντεσ ἐπ’ ὄμμασιν ἵμεροι ἐντί. ὦ καλὰ ὦ χαρίεσσα κόρα, τὺ μὲν οἰκέτισ ἤδη, ἄμμεσ δ’ ἐσ δρόμον ἦρι καὶ ἐσ λειμώνια φύλλα ἑρψοῦμεσ στεφάνωσ δρεψούμεναι ἁδὺ πνέοντασ, πολλὰ τεοῦσ Ἑλένα μεμναμέναι ὡσ γαλαθηναὶ ἄρνεσ γειναμένασ ὀιόσ μαστὸν ποθέοισαι. πρᾶταί τοι στέφανον λωτῶ χαμαὶ αὐξομένοιο πλέξασαι σκιερὰν καταθήσομεν ἐσ πλατάνιστον, πρᾶται δ’ ἀργυρέασ ἐξ ὄλπιδοσ ὑγρὸν ἄλειφαρ λαζύμεναι σταξεῦμεσ ὑπὸ σκιερὰν πλατάνιστον· γράμματα δ’ ἐν φλοιῷ γεγράψεται, ὡσ παριών τισ ἀννείμῃ, Δωριστί· σέβου μ’· Ἑλένασ φυτὸν εἰμί. Χαίροισ ὦ νύμφα, χαίροισ εὐπένθερε γαμβρέ. Λατὼ μὲν δοίη, Λατὼ κουροτρόφοσ ὔμμιν εὐτεκνίαν, Κύπρισ δέ, θεὰ Κύπρισ ἶσον ἔρασθαι ἀλλάλων, Ζεὺσ δέ, Κρονίδασ Ζεὺσ ἄφθιτον ὄλβον, ὡσ ἐξ εὐπατριδᾶν εἰσ εὐπατρίδασ πάλιν ἔνθῃ. εὕδετ’ ἐσ ἀλλάλων στέρνον φιλότητα πνέοντεσ καὶ πόθον, ἔγρεσθαι δὲ πρὸσ ἀῶ μἠπιλάθησθε. νεύμεθα κἄμμεσ ἐσ ὄρθρον, ἐπεί κα πρᾶτοσ ἀοιδὸσ ἐξ εὐνᾶσ κελαδήσῃ ἀνασχὼν εὔτριχα δειράν. Ὑμὴν ὦ Ὑμέναιε, γάμῳ ἐπὶ τῷδε χαρείησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Theocritus, Idylls, Ἑλένησ Ἐπιθάλαμιος

(테오크리토스, Idylls, Ἑλένησ Ἐπιθάλαμιος)

상위

목록

SEARCH

MENU NAVIGATION