헬라어 문장 검색 - Τηεοξρ́Ιδψλλσ́14́0́0́

(테오크리토스, Idylls, Ὕλας)

Οὐχ ἁμῖν τὸν Ἔρωτα μόνοισ ἔτεχ’, ὡσ ἐδοκεῦμεσ, Νικία, ᾧ τινι τοῦτο θεῶν ποκα τέκνον ἔγεντο. οὐχ ἁμῖν τὰ καλὰ πράτοισ καλὰ φαίνεται εἶμεν, οἳ θνατοὶ πελόμεσθα, τὸ δ’ αὔριον οὐκ ἐσορῶμεσ· ἀλλὰ καὶ ὡμφιτρύωνοσ ὁ χαλκεοκάρδιοσ υἱόσ, ὃσ τὸν λῖν ὑπέμεινε τὸν ἄγριον, ἤρατο παιδόσ, τῶ χαρίεντοσ Ὕλα, τῶ τὰν πλοκαμῖδα φορεῦντοσ, καί νιν πάντ’ ἐδίδαξε πατὴρ ὡσεὶ φίλον υἱέα, ὅσσα μαθὼν ἀγαθὸσ καὶ ἀοίδιμοσ αὐτὸσ ἔγεντο· χωρὶσ δ’ οὐδέποκ’ ἦσ, οὔτ’ εἰ μέσον ἆμαρ ὄροιτο, οὔτ’ ἄρ’ ὅχ’ ἁ λεύκιπποσ ἀνατρέχοι ἐσ Διὸσ Ἀώσ, οὐδ’ ὁπόκ’ ὀρτάλιχοι μινυροὶ ποτὶ κοῖτον ὁρῷεν, σεισαμένασ πτερὰ ματρὸσ ἐπ’ αἰθαλόεντι πετεύρῳ, ὡσ αὐτῷ κατὰ θυμὸν ὁ παῖσ πεποναμένοσ εἰή, αὐτῷ δ’ εὖ ἕλκων ἐσ ἀλαθινὸν ἄνδρ’ ἀποβαίη. ἀλλ’ ὅτε τὸ χρύσειον ἔπλει μετὰ κῶασ Ἰήσων Αἰσονίδασ, οἱ δ’ αὐτῷ ἀριστῆεσ συνέποντο πασᾶν ἐκ πολίων προλελεγμένοι, ὧν ὄφελόσ τι, ἵκετο χὡ ταλαεργὸσ ἀνὴρ ἐσ ἀφνειὸν Ἰωλκόν, Ἀλκμήνησ υἱὸσ Μιδεάτιδοσ ἡρωίνησ, σὺν δ’ αὐτῷ κατέβαινεν Ὕλασ εὐέδρον ἐσ Ἀργώ, ἅτισ κυανεᾶν οὐχ ἥψατο συνδρομάδων ναῦσ, ἀλλὰ διεξάιξε‐‐βαθὺν δ’ εἰσέδραμε Φᾶσιν‐‐ αἰετὸσ ἐσ μέγα λαῖτμα· ἀφ’ οὗ τότε χοιράδεσ ἔσταν. ἆμοσ δ’ ἀντέλλοντι Πελειάδεσ, ἐσχατιαὶ δὲ ἄρνα νέον βόσκοντι, τετραμμένου εἰάροσ ἤδη, τᾶμοσ ναυτιλίασ μιμνάσκετο θεῖοσ ἀώτοσ ἡρώων, κοίλαν δὲ καθιδρυνθέντεσ ἐσ Ἀργὼ Ἑλλάσποντον ἵκοντο νότῳ τρίτον ἆμαρ ἀέντι, εἴσω δ’ ὁρ́μον ἔθεντο Προποντίδοσ, ἔνθα Κιανῶν αὔλακασ εὐρύνοντι βόεσ τρίβοντεσ ἄροτρα. ἐκβάντεσ δ’ ἐπὶ θῖνα κατὰ ζυγὰ δαῖτα πένοντο δειελινοί, πολλοὶ δὲ μίαν στορέσαντο χαμεύναν. λειμὼν γάρ σφιν ἔκειτο, μέγα στιβάδεσσιν ὄνειαρ, ἔνθεν βούτομον ὀξὺ βαθύν τ’ ἐτάμοντο κύπειρον. κᾤχεθ’ Ὕλασ ὁ ξανθὸσ ὕδωρ ἐπιδόρπιον οἰσῶν αὐτῷ θ’ Ἡρακλῆι καὶ ἀστεμφεῖ Τελαμῶνι, οἳ μίαν ἄμφω ἑταῖροι ἀεὶ δαίνυντο τράπεζαν, χάλκεον ἄγγοσ ἔχων. τάχα δὲ κράναν ἐνόησεν ἡμένῳ ἐν χώρῳ· περὶ δὲ θρύα πολλὰ πεφύκει, κυάνεόν τε χελιδόνιον χλωρόν τ’ ἀδίαντον καὶ θάλλοντα σέλινα καὶ εἰλιτενὴσ ἄγρωστισ. ὕδατι δ’ ἐν μέσσῳ Νύμφαι χορὸν ἀρτίζοντο, Νύμφαι ἀκοίμητοι, δειναὶ θεαὶ ἀγροιώταισ, Εὐνείκα καὶ Μαλὶσ ἐάρ θ’ ὁρόωσα Νύχεια, ἤτοι ὁ κοῦροσ ἐπεῖχε ποτῷ πολυχανδέα κρωσσὸν βάψαι ἐπειγόμενοσ, ταὶ δ’ ἐν χερὶ πᾶσαι ἔφυσαν· πασάων γὰρ ἔρωσ ἁπαλὰσ φρένασ ἐξεσόβησεν Ἀργείῳ ἐπὶ παιδί· κατήριπε δ’ ἐσ μέλαν ὕδωρ ἀθρόοσ, ὡσ ὅτε πυρσὸσ ἀπ’ οὐρανοῦ ἤριπεν ἀστὴρ ἀθρόοσ, ἐν πόντῳ, ναύταισ δέ τισ εἶπεν ἑταίροισ· "κουφότερ’ ὦ παῖδεσ ποιεῖσθ’ ὅπλα· πνευστικὸσ οὖροσ. " Νύμφαι μὲν σφετέροισ ἐπὶ γούνασι κοῦρον ἔχοισαι δακρυόεντ’ ἀγανοῖσι παρεψύχοντ’ ἐπέεσσιν. Ἀμφιτρυωνιάδασ δὲ ταρασσόμενοσ περὶ παιδὶ ᾤχετο, μαιωτιστὶ λαβὼν εὐκαμπέα τόξα καὶ ῥόπαλον, τό οἱ αἰὲν ἐχάνδανε δεξιτερὴ χείρ. τρὶσ μὲν Ὕλαν ἀύσεν, ὅσον βαρὺσ ἤρυγε λαιμόσ· τρὶσ δ’ ἄρ’ ὁ παῖσ ὑπάκουσεν, ἀραιὰ δ’ ἵκετο φωνὰ ἐξ ὕδατοσ, παρεὼν δὲ μάλα σχεδὸν εἴδετο πόρρω. ὡσ δ’ ὁπότ’ ἠυγένειοσ ἀπόπροθι λῖσ ἐσακούσασ, νεβροῦ φθεγξαμένασ τισ ἐν οὔρεσιν ὠμοφάγοσ λῖσ ἐξ εὐνᾶσ ἔσπευσεν ἑτοιμοτάταν ἐπὶ δαῖτα· Ἡρακλέησ τοιοῦτοσ ἐν ἀτρίπτοισιν ἀκάνθαισ παῖδα ποθῶν δεδόνητο, πολὺν δ’ ἐπελάμβανε χῶρον. σχέτλιοι οἱ φιλέοντεσ· ἀλώμενοσ ὅσσ’ ἐμόγησεν οὔρεα καὶ δρυμούσ, τὰ δ’ Ἰήσονοσ ὕστερα πάντ’ ἦσ. ναῦσ γέμεν ἄρμεν’ ἔχοισα μετάρσια τῶν παρεόντων, ἱστία δ’ ἡμίθεοι μεσονύκτιον ἐξεκάθαιρον Ἡρακλῆα μένοντεσ. ὁ δ’ ᾇ πόδεσ ἆγον ἐχώρει μαινόμενοσ· χαλεπὸσ γὰρ ἔσω θεὸσ ἧπαρ ἄμυσσεν. οὕτω μὲν κάλλιστοσ Ὕλασ μακάρων ἀμιθρεῖται· Ἡρακλέην δ’ ἡρ́ωεσ ἐκερτόμεον λιποναύταν, οὕνεκεν ἠρώησε τριακοντάζυγον Ἀργώ, πεζᾷ δ’ ἐσ Κόλχουσ τε καὶ ἄξενον ἵκετο Φᾶσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Theocritus, Idylls, Ὕλας

(테오크리토스, Idylls, Ὕλας)

상위

목록

SEARCH

MENU NAVIGATION