헬라어 문장 검색 - ΣτραβόΓεογραπ́17́03́048́

(스트라본, 지리학, book 17, chapter 3 48:)

τὰ μὲν οὖν μέρη τῆσ καθ’ ἡμᾶσ οἰκουμένησ οὕτω διάκειται· ἐπεὶ δ’ οἱ Ῥωμαῖοι τὴν ἀρίστην αὐτῆσ καὶ γνωριμωτάτην κατέχουσιν, ἅπαντασ ὑπερβεβλημένοι τοὺσ πρότερον ἡγεμόνασ ὧν μνήμην ἴσμεν, ἄξιον διὰ βραχέων καὶ τὰ τούτων εἰπεῖν. ὅτι μὲν οὖν ἐκ μιᾶσ ὁρμηθέντεσ πόλεωσ τῆσ Ῥώμησ ἅπασαν τὴν Ἰταλίαν ἔσχον διὰ τὸ πολεμεῖν καὶ πολιτικῶσ ἄρχειν εἴρηται, καὶ διότι μετὰ τὴν Ἰταλίαν τὰ κύκλῳ προσεκτήσαντο τῇ αὐτῇ ἀρετῇ χρώμενοι. τριῶν δὲ ἠπείρων οὐσῶν τὴν μὲν Εὐρώπην σχεδόν τι πᾶσαν ἔχουσι πλὴν τῆσ ἔξω τοῦ Ἴστρου καὶ τῶν μεταξὺ τοῦ Ῥήνου καὶ τοῦ Τανάιδοσ παρωκεανιτῶν, τῆσ δὲ Λιβύησ ἡ καθ’ ἡμᾶσ παραλία πᾶσα ὑπ’ αὐτοῖσ ἐστιν, ἡ δὲ ἄλλη ἀοίκητόσ ἐστιν ἢ λυπρῶσ καὶ νομαδικῶσ οἰκεῖται. ὁμοίωσ δὲ καὶ τῆσ Ἀσίασ ἡ καθ’ ἡμᾶσ παραλία πᾶσα ὑποχείριόσ ἐστιν, εἰ μή τισ τὰ τῶν Ἀχαιῶν καὶ Ζυγῶν καὶ Ἡνιόχων ἐν λόγῳ τίθεται, λῃστρικῶσ καὶ νομαδικῶσ ζώντων ἐν στενοῖσ καὶ λυπροῖσ χωρίοισ. τῆσ δὲ μεσογαίασ καὶ τῆσ ἐν βάθει τὴν μὲν ἔχουσιν αὐτοί, τὴν δὲ Παρθυαῖοι καὶ οἱ ὑπὲρ τούτων βάρβαροι, πρόσ τε ταῖσ ἀνατολαῖσ καὶ ταῖσ ἄρκτοισ Ἰνδοὶ καὶ Βάκτριοι καὶ Σκύθαι, εἶτ’ Ἄραβεσ καὶ Αἰθίοπεσ· προστίθεται δὲ ἀεί τι παρ’ ἐκείνων αὐτοῖσ. ταύτησ δὲ τῆσ συμπάσησ χώρασ τῆσ ὑπὸ Ῥωμαίοισ ἣ μὲν βασιλεύεται, ἣν δ’ ἔχουσιν αὐτοὶ καλέσαντεσ ἐπαρχίαν, καὶ πέμπουσιν ἡγεμόνασ καὶ φορολόγουσ. εἰσὶ δέ τινεσ καὶ ἐλεύθεραι πόλεισ, αἱ μὲν ἐξ ἀρχῆσ κατὰ φιλίαν προσελθοῦσαι, τὰσ δ’ ἠλευθέρωσαν αὐτοὶ κατὰ τιμήν. εἰσὶ δὲ καὶ δυνάσται τινὲσ καὶ φύλαρχοι καὶ ἱερεῖσ ὑπ’ αὐτοῖσ· οὗτοι μὲν δὴ ζῶσι κατά τινασ πατρίουσ νόμουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, book 17, chapter 3 48:

(스트라본, 지리학, book 17, chapter 3 48:)

상위

목록

SEARCH

MENU NAVIGATION