헬라어 문장 검색 - ΣτραβόΓεογραπ́12́03́064́

(스트라본, 지리학, Book 12, chapter 3 64:)

μετὰ δὲ τὴν Πομπηιούπολιν ἡ λοιπὴ τῆσ Παφλαγονίασ ἐστὶ τῆσ μεσογαίασ μέχρι Βιθυνίασ ἰοῦσι πρὸσ δύσιν. ταύτησ δὲ καίπερ ὀλίγησ οὔσησ μικρὸν μὲν πρὸ ἡμῶν ἦρχον πλείουσ, νῦν δ’ ἔχουσι Ῥωμαῖοι τοῦ γένουσ τῶν βασιλέων ἐκλιπόντοσ. ὀνομάζουσι δ’ οὖν τὴν ὅμορον τῇ Βιθυνίᾳ Τιμωνῖτιν καὶ τὴν Γεζατόριγοσ καὶ Μαρμωλῖτίν τε καὶ Σανισηνὴν καὶ Ποταμίαν· ἦν δέ τισ καὶ Κιμιατηνή, ἐν ᾗ τὰ Κιμίατα, φρούριον ἐρυμνόν, ὑποκείμενον τῇ τοῦ Ὀλγάσσυοσ ὀρεινῇ, ᾧ χρησάμενοσ ὁρμητηρίῳ Μιθριδάτησ ὁ κτίστησ προσαγορευθεὶσ κατέστη τοῦ Πόντου κύριοσ, καὶ οἱ ἀπ’ αὐτοῦ τὴν διαδοχὴν ἐφύλαξαν μέχρι τοῦ Εὐπάτοροσ. ὕστατοσ δὲ τῆσ Παφλαγονίασ ἦρξε Δηιόταροσ, Κάστοροσ υἱὸσ ὁ προσαγορευθεὶσ φιλάδελφοσ, τὸ Μορζέου βασίλειον ἔχων τὰ Γάγγρα πολισμάτιον ἅμα καὶ φρούριον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 12, chapter 3 64:

(스트라본, 지리학, Book 12, chapter 3 64:)

상위

목록

SEARCH

MENU NAVIGATION