헬라어 문장 검색 - ΣτραβόΓεογραπ́02́01́009́

(스트라본, 지리학, book 2, chapter 1 9:)

οἶμαι δὴ πολλὰσ ἔχειν εὐθύνασ τοῦτον τὸν λόγον. πρῶτον μὲν ὅτι πολλαῖσ μαρτυρίαισ ἐκείνου χρησαμένου μιᾷ φησι τῇ Πατροκλέουσ αὐτὸν χρῆσθαι. τίνεσ οὖν ἦσαν οἱ φάσκοντεσ τὰ μεσημβρινὰ ἄκρα τῆσ Ἰνδικῆσ ἀνταίρειν τοῖσ κατὰ Μερόην; τίνεσ δ’ οἱ τὸ ἀπὸ Μερόησ διάστημα μέχρι τοῦ δι’ Ἀθηνῶν παραλλήλου [τοσοῦτον] λέγοντεσ; τίνεσ δὲ πάλιν οἱ τὸ τῶν ὀρῶν πλάτοσ τοσοῦτον, ἢ οἱ τὸ ἀπὸ τῆσ Κιλικίασ ἐπὶ τὴν Ἀμισὸν τὸ αὐτὸ τούτῳ λέγοντεσ; τίνεσ δὲ οἱ [τὸ] ἀπὸ Ἀμισοῦ διὰ Κόλχων καὶ τῆσ Ὑρκανίασ μέχρι Βακτρίων καὶ τῶν ἐπέκεινα εἰσ τὴν ἑῴαν θάλατταν καθηκόντων ἐπ’ εὐθείασ τε εἶναι λέγοντεσ καὶ ἐπ’ ἰσημερινὰσ ἀνατολὰσ καὶ παρὰ τὰ ὄρη ἐν δεξιᾷ ἔχοντι αὐτά; ἢ πάλιν τὸ ἐπὶ τὴν δύσιν ἐπ’ εὐθείασ ταύτῃ τῇ γραμμῇ, διότι ἐπὶ τὴν Προποντίδα ἐστὶ καὶ τὸν Ἑλλήσποντον; ταῦτα γὰρ ὁ Ἐρατοσθένησ λαμβάνει πάντα ὡσ καὶ ἐκμαρτυρούμενα ὑπὸ τῶν ἐν τοῖσ τόποισ γενομένων, ἐντετυχηκὼσ ὑπομνήμασι πολλοῖσ, ὧν εὐπόρει βιβλιοθήκην ἔχων τηλικαύτην ἡλίκην αὐτὸσ Ἵππαρχόσ φησι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, book 2, chapter 1 9:

(스트라본, 지리학, book 2, chapter 1 9:)

상위

목록

SEARCH

MENU NAVIGATION