헬라어 문장 검색 - Σοπηοξ́Τραξηιν́10́2́01́

(소포클레스, 트라키니아이, episode, dialogue 1:)

ἄγαν γε· μᾶλλον δ’, εἰ παροῦσα πλησία ἔλευσσεσ οἷ’ ἔδρασε, κάρτ’ ἂν ᾤκτισασ. καὶ ταῦτ’ ἔτλη τισ χεὶρ γυναικεία κτίσαι; δεινῶσ γε· πεύσει δ’, ὥστε μαρτυρεῖν ἐμοί. ἐπεὶ γὰρ ἦλθε δωμάτων εἴσω μόνη καὶ παῖδ’ ἐν αὐλαῖσ εἶδε κοῖλα δέμνια στορνύνθ’, ὅπωσ ἄψορρον ἀντῴη πατρί, κρύψασ’ ἑαυτὴν ἔνθα μή τισ εἰσίδοι, βρυχᾶτο μὲν βωμοῖσι προσπίπτουσ’ ὅτι γένοιντ’ ἔρημοι, ’κλαιε δ’ ὀργάνων ὅτου ψαύσειεν οἷσ ἐχρῆτο δειλαία πάροσ· ἄλλῃ δὲ κἄλλῃ δωμάτων στρωφωμένη, εἴ του φίλων βλέψειεν οἰκετῶν δέμασ, ἔκλαιεν ἡ δύστηνοσ εἰσορωμένη, αὐτὴ τὸν αὑτῆσ δαίμον’ ἀνακαλουμένη καὶ τὰσ ἄπαιδασ ἐσ τὸ λοιπὸν οὐσίασ. ἐπεὶ δὲ τῶνδ’ ἔληξεν, ἐξαίφνησ σφ’ ὁρῶ τὸν Ἡράκλειον θάλαμον εἰσορμωμένην. κἀγὼ λαθραῖον ὄμμ’ ἐπεσκιασμένη φρούρουν· ὁρῶ δὲ τὴν γυναῖκα δεμνίοισ τοῖσ Ἡρακλείοισ στρωτὰ βάλλουσαν φάρη. ὅπωσ δ’ ἐτέλεσε τοῦτ’, ἐπενθοροῦσ’ ἄνω καθέζετ’ ἐν μέσοισιν εὐνατηρίοισ, καὶ δακρύων ῥήξασα θερμὰ νάματα ἔλεξεν· ὦ λέχη τε καὶ νυμφεῖ’ ἐμά, τὸ λοιπὸν ἤδη χαίρεθ’, ὡσ ἔμ’ οὔποτε δέξεσθ’ ἔτ’ ἐν κοίταισι ταῖσδ’ εὐνάτριαν. τοσαῦτα φωνήσασα συντόνῳ χερὶ λύει τὸν αὑτῆσ πέπλον, ᾗ χρυσήλατοσ προύκειτο μαστῶν περονίσ, ἐκ δ’ ἐλώπισεν πλευρὰν ἅπασαν ὠλένην τ’ εὐώνυμον. κἀγὼ δρομαία βᾶσ’, ὅσονπερ ἔσθενον, τῷ παιδὶ φράζω τῆσ τεχνωμένησ τάδε. κἀν ᾧ τὸ κεῖσε δεῦρό τ’ ἐξορμώμεθα, ὁρῶμεν αὐτὴν ἀμφιπλῆγι φασγάνῳ πλευρὰν ὑφ’ ἧπαρ καὶ φρένασ πεπληγμένην. ἰδὼν δ’ ὁ παῖσ ᾤμωξεν· ἔγνω γὰρ τάλασ τοὔργον κατ’ ὀργὴν ὡσ ἐφάψειεν τόδε, ὄψ’ ἐκδιδαχθεὶσ τῶν κατ’ οἶκον οὕνεκα ἄκουσα πρὸσ τοῦ θηρὸσ ἔρξειεν τάδε. κἀνταῦθ’ ὁ παῖσ δύστηνοσ οὔτ’ ὀδυρμάτων ἐλείπετ’ οὐδέν, ἀμφί νιν γοώμενοσ, οὔτ’ ἀμφιπίπτων στόμασιν, ἀλλὰ πλευρόθεν πλευρὰν παρεὶσ ἔκειτο πόλλ’ ἀναστένων, ὥσ νιν ματαίωσ αἰτίᾳ βάλοι κακῇ, κλαίων ὁθούνεκ’ ἐκ δυοῖν ἔσοιθ’ ἅμα, πατρόσ τ’ ἐκείνησ τ’, ὠρφανισμένοσ βίον. τοιαῦτα τἀνθάδ’ ἐστίν· ὥστ’ εἴ τισ δύο ἢ καί τι πλείουσ ἡμέρασ λογίζεται, μάταιόσ ἐστιν· οὐ γὰρ ἔσθ’ ἥ γ’ αὔριον, πρὶν εὖ πάθῃ τισ τὴν παροῦσαν ἡμέραν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Trachiniae, episode, dialogue 1:

(소포클레스, 트라키니아이, episode, dialogue 1:)

상위

목록

SEARCH

MENU NAVIGATION