헬라어 문장 검색 - Σοπηοξ́Αςαχ́15́0́0́

(소포클레스, Ajax, episode)

καὶ μὴν ἰδὼν ἔσπευσα τὸν στρατηλάτην Ἀγαμέμνον’ ἡμῖν δεῦρο τόνδ’ ὁρμώμενον· δῆλοσ δέ μοὐστὶ σκαιὸν ἐκλύσων στόμα. σὲ δὴ τὰ δεινὰ ῥήματ’ ἀγγέλλουσί μοι τλῆναι καθ’ ἡμῶν ὧδ’ ἀνοιμωκτὶ χανεῖν; σέ τοι, τὸν ἐκ τῆσ αἰχμαλωτίδοσ λέγω, ἦ που τραφεὶσ ἂν μητρὸσ εὐγενοῦσ ἄπο ὑψήλ’ ἐκόμπεισ κἀπ’ ἄκρων ὡδοιπόρεισ, ὅτ’ οὐδὲν ὢν τοῦ μηδὲν ἀντέστησ ὕπερ, κοὔτε στρατηγοὺσ οὔτε ναυάρχουσ μολεῖν ἡμᾶσ Ἀχαιῶν οὐδὲ σοῦ διωμόσω ἀλλ’ αὐτὸσ ἄρχων, ὡσ σὺ φήσ, Αἰάσ ἔπλει. ταῦτ’ οὐκ ἀκούειν μεγάλα πρὸσ δούλων κακά; ποίου κέκραγασ ἀνδρὸσ ὧδ’ ὑπέρφρονα; ποῖ βάντοσ ἢ ποῦ στάντοσ οὗπερ οὐκ ἐγώ; οὐκ ἆρ’ Ἀχαιοῖσ ἄνδρεσ εἰσὶ πλὴν ὅδε; πικροὺσ ἐοίγμεν τῶν Ἀχιλλείων ὅπλων ἀγῶνασ Ἀργείοισι κηρῦξαι τότε, εἰ πανταχοῦ φανούμεθ’ ἐκ Τεύκρου κακοί, κοὐκ ἀρκέσει ποθ’ ὑμὶν οὐδ’ ἡσσημένοισ εἴκειν ἃ τοῖσ πολλοῖσιν ἤρεσκεν κριταῖσ, ἀλλ’ αἰὲν ἡμᾶσ ἢ κακοῖσ βαλεῖτέ που ἢ σὺν δόλῳ κεντήσεθ’ οἱ λελειμμένοι. ἐκ τῶνδε μέντοι τῶν τρόπων οὐκ ἄν ποτε κατάστασισ γένοιτ’ ἂν οὐδενὸσ νόμου, εἰ τοὺσ δίκῃ νικῶντασ ἐξωθήσομεν καὶ τοὺσ ὄπισθεν εἰσ τὸ πρόσθεν ἄξομεν. ἀλλ’ εἰρκτέον τάδ’ ἐστίν· οὐ γὰρ οἱ πλατεῖσ οὐδ’ εὐρύνωτοι φῶτεσ ἀσφαλέστατοι, ἀλλ’ οἱ φρονοῦντεσ εὖ κρατοῦσι πανταχοῦ. μέγασ δὲ πλευρὰ βοῦσ ὑπὸ σμικρᾶσ ὅμωσ μάστιγοσ ὀρθὸσ εἰσ ὁδὸν πορεύεται. καὶ σοὶ προσέρπον τοῦτ’ ἐγὼ τὸ φάρμακον ὁρῶ τάχ’, εἰ μὴ νοῦν κατακτήσει τινά· ὃσ ἀνδρὸσ οὐκέτ’ ὄντοσ, ἀλλ’ ἤδη σκιᾶσ, θαρσῶν ὑβρίζεισ κἀξελευθεροστομεῖσ. οὐ σωφρονήσεισ; οὐ μαθὼν ὃσ εἶ φύσιν ἄλλον τιν’ ἄξεισ ἄνδρα δεῦρ’ ἐλεύθερον, ὅστισ πρὸσ ἡμᾶσ ἀντὶ σοῦ λέξει τὰ σά; σοῦ γὰρ λέγοντοσ οὐκέτ’ ἂν μάθοιμ’ ἐγώ· τὴν βάρβαρον γὰρ γλῶσσαν οὐκ ἐπαί̈ω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Ajax, episode

(소포클레스, Ajax, episode)

상위

목록

SEARCH

MENU NAVIGATION