헬라어 문장 검색 - Σοπηοξ́Αςαχ́01́0́1́

(소포클레스, Ajax, episode 1:)

ἀεὶ μέν, ὦ παῖ Λαρτίου, δέδορκά σε πεῖράν τιν’ ἐχθρῶν ἁρπάσαι θηρώμενον· καὶ νῦν ἐπὶ σκηναῖσ σε ναυτικαῖσ ὁρῶ Αἰάντοσ, ἔνθα τάξιν ἐσχάτην ἔχει, πάλαι κυνηγετοῦντα καὶ μετρούμενον ἴχνη τὰ κείνου νεοχάραχθ’, ὅπωσ ἴδῃσ εἴτ’ ἔνδον εἴτ’ οὐκ ἔνδον. εὖ δέ σ’ ἐκφέρει κυνὸσ Λακαίνησ ὥσ τισ εὔρινοσ βάσισ. ἔνδον γὰρ ἁνὴρ ἄρτι τυγχάνει, κάρα στάζων ἱδρῶτι καὶ χέρασ ξιφοκτόνουσ. καί σ’ οὐδὲν εἴσω τῆσδε παπταίνειν πύλησ ἔτ’ ἔργον ἐστίν, ἐννέπειν δ’ ὅτου χάριν σπουδὴν ἔθου τήνδ’, ὡσ παρ’ εἰδυίασ μάθῃσ. ὦ φθέγμ’ Ἀθάνασ, φιλτάτησ ἐμοὶ θεῶν, ὡσ εὐμαθέσ σου, κἂν ἄποπτοσ ᾖσ ὅμωσ, φώνημ’ ἀκούω καὶ ξυναρπάζω φρενὶ χαλκοστόμου κώδωνοσ ὡσ Τυρσηνικῆσ. καὶ νῦν ἐπέγνωσ εὖ μ’ ἐπ’ ἀνδρὶ δυσμενεῖ βάσιν κυκλοῦντ’, Αἰάντι τῷ σακεσφόρῳ· κεῖνον γάρ, οὐδέν’ ἄλλον, ἰχνεύω πάλαι. νυκτὸσ γὰρ ἡμᾶσ τῆσδε πρᾶγοσ ἄσκοπον ἔχει περάνασ, εἴπερ εἴργασται τάδε· ἴσμεν γὰρ οὐδὲν τρανέσ, ἀλλ’ ἀλώμεθα· κἀγὼ ’θελοντὴσ τῷδ’ ὑπεζύγην πόνῳ. ἐφθαρμένασ γὰρ ἀρτίωσ εὑρίσκομεν λείασ ἁπάσασ καὶ κατηναρισμένασ ἐκ χειρὸσ αὐτοῖσ ποιμνίων ἐπιστάταισ. τήνδ’ οὖν ἐκείνῳ πᾶσ τισ αἰτίαν νέμει. καί μοί τισ ὀπτὴρ αὐτὸν εἰσιδὼν μόνον πηδῶντα πεδία σὺν νεορράντῳ ξίφει φράζει τε κἀδήλωσεν· εὐθέωσ δ’ ἐγὼ κατ’ ἴχνοσ ᾄσσω, καὶ τὰ μὲν σημαίνομαι, τὰ δ’ ἐκπέπληγμαι κοὐκ ἔχω μαθεῖν ὅτου. καιρὸν δ’ ἐφήκεισ· πάντα γὰρ τά τ’ οὖν πάροσ τά τ’ εἰσέπειτα σῇ κυβερνῶμαι χερί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Ajax, episode 1:

(소포클레스, Ajax, episode 1:)

상위

목록

SEARCH

MENU NAVIGATION