Plutarch, Regum et imperatorum apophthegmata, Γαίου Καίσαρος, section 1

Γάιοσ Καῖσαρ, ὅτε Σύλλαν ἔφευγεν ἔτι μειράκιον ὤν, περιέπεσε πειραταῖσ· καὶ πρῶτον μὲν αἰτηθεὶσ ἀργυρίου πλῆθοσ κατεγέλασε τῶν λῃστῶν ὡσ ἀγνοούντων ὃν ἔχουσι, καὶ διπλάσιον ὡμολόγησε δώσειν ἔπειτα φρουρούμενοσ, ἑώσ συνῆγε τὰ χρήματα, προσέταττεν ἡσυχίαν αὐτῷ παρέχειν κοιμωμένῳ καὶ σιωπᾶν. λόγουσ δὲ καὶ ποιήματα γράφων ἀνεγίνωσκεν αὐτοῖσ, καὶ τοὺσ μὴ λίαν ἐπαινοῦντασ ἀναισθήτουσ καὶ βαρβάρουσ ἀπεκάλει καὶ μετὰ γέλωτοσ ἠπείλει κρεμᾶν αὐτούσ· ὃ καὶ ὀλίγον ἐποίησεν.