Plutarch, Apophthegmata Laconica, Λυκούργου, section 1

Λυκοῦργοσ ὁ νομοθέτησ βουλόμενοσ ἐκ τῆσ προϋπαρχούσησ διαίτησ τοὺσ πολίτασ εἰσ σωφρονεστέραν βίου τάξιν μετάγειν καὶ καλοκαγαθικοὺσ ἀπεργάζεσθαι ἁβροδίαιτοι γὰρ ἦσαν δύο σκύλακασ ἀνέθρεψε ταὐτοῦ πατρὸσ καὶ μητρὸσ γενομένουσ καὶ τὸν μὲν εἴθισε περὶ λιχνείασ οἴκοι ἐάσασ· τὸν δὲ ἑπαγόμενοσ ἤσκησε περὶ κυνηγέσια. ἔπειτα ἀγαγὼν εἰσ τὴν ἐκκλησίαν ἔθηκεν ἀκάνθασ καὶ λιχνείασ τινάσ, ἀφῆκε δὲ καὶ λαγών· "ὁρᾶτε, ὦ πολῖται, ὅτι ταὐτοῦ γένουσ ὑπάρχοντεσ ἐν τῇ τοῦ βίου ἀγωγῇ παρὰ πολὺ ἀλλήλων διάφοροι ἀπέβησαν, καὶ ποιητικωτέρα τῆσ φύσεωσ ἡ ἄσκησισ πρὸσ τὰ καλὰ τυγχάνει;