헬라어 문장 검색 - ΠλατόΠαρμενί3́0́426́

(플라톤, Parmenides, Philebus, Symposium, Phaedrus, Συμποσίον 426:)

τὰ ἐρωτικὰ ἰέναι ἢ ὑπ’ ἄλλου ἄγεσθαι, ἀρχόμενον ἀπὸ τῶνδε τῶν καλῶν ἐκείνου ἕνεκα τοῦ καλοῦ ἀεὶ ἐπανιέναι, ὥσπερ ἐπαναβασμοῖσ χρώμενον, ἀπὸ ἑνὸσ ἐπὶ δύο καὶ ἀπὸ δυοῖν ἐπὶ πάντα τὰ καλὰ σώματα, καὶ ἀπὸ τῶν καλῶν σωμάτων ἐπὶ τὰ καλὰ ἐπιτηδεύματα, καὶ ἀπὸ τῶν ἐπιτηδευμάτων ἐπὶ τὰ καλὰ μαθήματα, καὶ ἀπὸ τῶν μαθημάτων ἐπ’ ἐκεῖνο τὸ μάθημα τελευτῆσαι, ὅ ἐστιν οὐκ ἄλλου ἢ αὐτοῦ ἐκείνου τοῦ καλοῦ μάθημα, καὶ γνῷ αὐτὸ τελευτῶν ὃ ἔστι καλόν. ἐνταῦθα τοῦ βίου, ὦ φίλε Σώκρατεσ, ἔφη ἡ Μαντινικὴ ξένη, εἴπερ που ἄλλοθι, βιωτὸν ἀνθρώπῳ, θεωμένῳ αὐτὸ τὸ καλόν. ὃ ἐάν ποτε ἴδῃσ, οὐ κατὰ χρυσίον τε καὶ ἐσθῆτα καὶ τοὺσ καλοὺσ παῖδάσ τε καὶ νεανίσκουσ δόξει σοι εἶναι, οὓσ νῦν ὁρῶν ἐκπέπληξαι καὶ ἕτοιμοσ εἶ καὶ σὺ καὶ ἄλλοι πολλοί, ὁρῶντεσ τὰ παιδικὰ καὶ συνόντεσ ἀεὶ αὐτοῖσ, εἴ πωσ οἱο͂́ν τ’ ἦν, μήτ’ ἐσθίειν μήτε πίνειν, ἀλλὰ θεᾶσθαι μόνον καὶ συνεῖναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plato, Parmenides, Philebus, Symposium, Phaedrus, Συμποσίον 426:

(플라톤, Parmenides, Philebus, Symposium, Phaedrus, Συμποσίον 426:)

상위

목록

SEARCH

MENU NAVIGATION