Plato, Hippias Major, Hippias Minor, Ion, Menexenus, Cleitophon, Timaeus, Critias, Minos, Epinomis, Ἐπίνομις 57:

εἰ δ’ ἔχει τοῦτο οὕτωσ, τό γε πρῶτον ἡμῖν τοῦ πρώτου τῆσ γενέσεωσ πιθανώτερον ἂν εἰή σχεδὸν ὑπηργμένον· καὶ θῶμεν δὴ τὴν ἀρχὴν τῆσ ἀρχῆσ εὐσχημονέστερον ἔχειν, καὶ τῶν μεγίστων σοφίασ περὶ θεῶν γενέσεωσ ὀρθότατα ἐπιβαίνειν ἡμᾶσ. ἔστω ταῦτα εἰσ δύναμιν λεγόμενα. φέρε δή, ζῷόν γε ἀληθέστατα λέγεσθαι κατὰ φύσιν φῶμεν τοῦτό γε, ὅταν μία συνελθοῦσα σύστασισ ψυχῆσ καὶ σώματοσ ἀποτέκῃ μίαν μορφήν; ὀρθῶσ.