Plato, Hippias Major, Hippias Minor, Ion, Menexenus, Cleitophon, Timaeus, Critias, Minos, Epinomis, Ιὤν 51:

ταῦτα πότερον φῶμεν ἁλιευτικῆσ εἶναι τέχνησ μᾶλλον κρῖναι ἢ ῥαψῳδικῆσ, ἅττα λέγει καὶ εἴτε καλῶσ εἴτε μή; δῆλον δή, ὦ Σώκρατεσ, ὅτι ἁλιευτικῆσ. σκέψαι δή, σοῦ ἐρομένου, εἰ ἔροιό με· "ἐπειδὴ τοίνυν, ὦ Σώκρατεσ, τούτων τῶν τεχνῶν ἐν Ὁμήρῳ εὑρίσκεισ ἃ προσήκει ἑκάστῃ διακρίνειν, ἴθι μοι ἔξευρε καὶ τὰ τοῦ μάντεώσ τε καὶ μαντικῆσ, ποῖά ἐστιν ἃ προσήκει αὐτῷ οἱῴ τ’ εἶναι διαγιγνώσκειν, εἴτε εὖ εἴτε κακῶσ πεποίηται" ‐ σκέψαι ὡσ ῥᾳδίωσ τε καὶ ἀληθῆ ἐγώ σοι ἀποκρινοῦμαι.