Lucian, De parasito sive artem esse parasiticam, (no name) 34:

ὁ δὲ Πλάτων ὑμῶν ὁ γενναιότατοσ καὶ αὐτὸσ μὲν ἧκεν εἰσ Σικελίαν ἐπὶ τούτῳ, καὶ ὀλίγασ παρασιτήσασ ἡμέρασ τῷ τυράννῳ τοῦ παρασιτεῖν ὑπὸ ἀφυίασ ἐξέπεσε, καὶ πάλιν Ἀθήναζε ἀφικόμενοσ καὶ φιλοπονῄσασ καὶ παρασκευάσασ ἑαυτὸν αὖθισ δευτέρῳ στόλῳ ἐπέπλευσε τῇ Σικελίᾳ καὶ δειπνήσασ πάλιν ὀλίγασ ἡμέρασ ὑπὸ ἀμαθίασ ἐξέπεσε· καὶ αὕτη ἡ συμφορὰ Πλάτωνι περὶ Σικελίαν ὁμοία δοκεῖ γενέσθαι τῇ Νικίου. καὶ τίσ, ὦ Σίμων, περὶ τούτου λέγει;