헬라어 문장 검색 - Ηομερ́ΙλιαδΓρ́21́0́051́

(호메로스, 일리아스, Book 21 51:)

ἔνθά κεν ὑψίπυλον Τροίην ἕλον υἱε͂σ Ἀχαιῶν, εἰ μὴ Ἀπόλλων Φοῖβοσ Ἀγήνορα δῖον ἀνῆκε φῶτ’ Ἀντήνοροσ υἱὸν ἀμύμονά τε κρατερόν τε. ἐν μέν οἱ κραδίῃ θάρσοσ βάλε, πὰρ δέ οἱ αὐτὸσ ἔστη, ὅπωσ θανάτοιο βαρείασ χεῖρασ ἀλάλκοι φηγῷ κεκλιμένοσ· κεκάλυπτο δ’ ἄρ’ ἠέρι πολλῇ. αὐτὰρ ὅ γ’ ὡσ ἐνόησεν Ἀχιλλῆα πτολίπορθον ἔστη, πολλὰ δέ οἱ κραδίη πόρφυρε μένοντι· ὀχθήσασ δ’ ἄρα εἶπε πρὸσ ὃν μεγαλήτορα θυμόν· ὤ μοι ἐγών· εἰ μέν κεν ὑπὸ κρατεροῦ Ἀχιλῆοσ φεύγω, τῇ περ οἱ ἄλλοι ἀτυζόμενοι κλονέονται, αἱρήσει με καὶ ὧσ, καὶ ἀνάλκιδα δειροτομήσει. εἰ δ’ ἂν ἐγὼ τούτουσ μὲν ὑποκλονέεσθαι ἐάσω Πηλεί̈δῃ Ἀχιλῆϊ, ποσὶν δ’ ἀπὸ τείχεοσ ἄλλῃ φεύγω πρὸσ πεδίον Ἰλήϊον, ὄφρ’ ἂν ἵκωμαι Ἴδησ τε κνημοὺσ κατά τε ῥωπήϊα δύω· ἑσπέριοσ δ’ ἂν ἔπειτα λοεσσάμενοσ ποταμοῖο ἱδρῶ ἀποψυχθεὶσ προτὶ Ἴλιον ἀπονεοίμην· ἀλλὰ τί ἤ μοι ταῦτα φίλοσ διελέξατο θυμόσ; μή μ’ ἀπαειρόμενον πόλιοσ πεδίον δὲ νοήσῃ καί με μεταί̈ξασ μάρψῃ ταχέεσσι πόδεσσιν. οὐκέτ’ ἔπειτ’ ἔσται θάνατον καὶ κῆρασ ἀλύξαι· λίην γὰρ κρατερὸσ περὶ πάντων ἔστ’ ἀνθρώπων. εἰ δέ κέ οἱ προπάροιθε πόλεοσ κατεναντίον ἔλθω· καὶ γάρ θην τούτῳ τρωτὸσ χρὼσ ὀξέϊ χαλκῷ, ἐν δὲ ἰά ψυχή, θνητὸν δέ ἕ φασ’ ἄνθρωποι ἔμμεναι· αὐτάρ οἱ Κρονίδησ Ζεὺσ κῦδοσ ὀπάζει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 21 51:

(호메로스, 일리아스, Book 21 51:)

상위

목록

SEARCH

MENU NAVIGATION