Homer, Iliad, Book 21 45:

ὣσ ἄρ’ ἔφη, Λητὼ δὲ συναίνυτο καμπύλα τόξα πεπτεῶτ’ ἄλλυδισ ἄλλα μετὰ στροφάλιγγι κονίησ. ἣ μὲν τόξα λαβοῦσα πάλιν κίε θυγατέροσ ἧσ· ἣ δ’ ἄρ’ Ὄλυμπον ἵκανε Διὸσ ποτὶ χαλκοβατὲσ δῶ, δακρυόεσσα δὲ πατρὸσ ἐφέζετο γούνασι κούρη, ἀμφὶ δ’ ἄρ’ ἀμβρόσιοσ ἑανὸσ τρέμε· τὴν δὲ προτὶ οἷ εἷλε πατὴρ Κρονίδησ, καὶ ἀνείρετο ἡδὺ γελάσσασ· τίσ νύ σε τοιάδ’ ἔρεξε φίλον τέκοσ Οὐρανιώνων μαψιδίωσ, ὡσ εἴ τι κακὸν ῥέζουσαν ἐνωπῇ;