헬라어 문장 검색 - Ηομερ́ΙλιαδΓρ́18́0́032́

(호메로스, 일리아스, Book 18 32:)

ὣσ εἰπὼν ἑτάροισιν ἐκέκλετο δῖοσ Ἀχιλλεὺσ ἀμφὶ πυρὶ στῆσαι τρίποδα μέγαν, ὄφρα τάχιστα Πάτροκλον λούσειαν ἄπο βρότον αἱματόεντα. οἳ δὲ λοετροχόον τρίποδ’ ἵστασαν ἐν πυρὶ κηλέῳ, ἐν δ’ ἄρ’ ὕδωρ ἔχεαν, ὑπὸ δὲ ξύλα δαῖον ἑλόντεσ. γάστρην μὲν τρίποδοσ πῦρ ἄμφεπε, θέρμετο δ’ ὕδωρ· αὐτὰρ ἐπεὶ δὴ ζέσσεν ὕδωρ ἐνὶ ἤνοπι χαλκῷ, καὶ τότε δὴ λοῦσάν τε καὶ ἤλειψαν λίπ’ ἐλαίῳ, ἐν δ’ ὠτειλὰσ πλῆσαν ἀλείφατοσ ἐννεώροιο· ἐν λεχέεσσι δὲ θέντεσ ἑανῷ λιτὶ κάλυψαν ἐσ πόδασ ἐκ κεφαλῆσ, καθύπερθε δὲ φάρεϊ λευκῷ. παννύχιοι μὲν ἔπειτα πόδασ ταχὺν ἀμφ’ Ἀχιλῆα Μυρμιδόνεσ Πάτροκλον ἀνεστενάχοντο γοῶντεσ· Ζεὺσ δ’ Ἥρην προσέειπε κασιγνήτην ἄλοχόν τε· ἔπρηξασ καὶ ἔπειτα βοῶπισ πότνια Ἥρη ἀνστήσασ’ Ἀχιλῆα πόδασ ταχύν· ἦ ῥά νυ σεῖο ἐξ αὐτῆσ ἐγένοντο κάρη κομόωντεσ Ἀχαιοί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 18 32:

(호메로스, 일리아스, Book 18 32:)

상위

목록

SEARCH

MENU NAVIGATION