헬라어 문장 검색 - Ηομερ́ΙλιαδΓρ́18́0́028́

(호메로스, 일리아스, Book 18 28:)

τὸν δ’ ἄρ’ ὑπόδρα ἰδὼν προσέφη κορυθαίολοσ Ἕκτωρ· Πουλυδάμα σὺ μὲν οὐκέτ’ ἐμοὶ φίλα ταῦτ’ ἀγορεύεισ, ὃσ κέλεαι κατὰ ἄστυ ἀλήμεναι αὖτισ ἰόντασ. ἦ οὔ πω κεκόρησθε ἐελμένοι ἔνδοθι πύργων; πρὶν μὲν γὰρ Πριάμοιο πόλιν μέροπεσ ἄνθρωποι πάντεσ μυθέσκοντο πολύχρυσον πολύχαλκον· νῦν δὲ δὴ ἐξαπόλωλε δόμων κειμήλια καλά, πολλὰ δὲ δὴ Φρυγίην καὶ Μῃονίην ἐρατεινὴν κτήματα περνάμεν’ ἵκει, ἐπεὶ μέγασ ὠδύσατο Ζεύσ. νῦν δ’ ὅτε πέρ μοι ἔδωκε Κρόνου πάϊσ ἀγκυλομήτεω κῦδοσ ἀρέσθ’ ἐπὶ νηυσί, θαλάσσῃ τ’ ἔλσαι Ἀχαιούσ, νήπιε μηκέτι ταῦτα νοήματα φαῖν’ ἐνὶ δήμῳ· οὐ γάρ τισ Τρώων ἐπιπείσεται· οὐ γὰρ ἐάσω. ἀλλ’ ἄγεθ’ ὡσ ἂν ἐγὼ εἴπω, πειθώμεθα πάντεσ. νῦν μὲν δόρπον ἕλεσθε κατὰ στρατὸν ἐν τελέεσσι, καὶ φυλακῆσ μνήσασθε, καὶ ἐγρήγορθε ἕκαστοσ· Τρώων δ’ ὃσ κτεάτεσσιν ὑπερφιάλωσ ἀνιάζει, συλλέξασ λαοῖσι δότω καταδημοβορῆσαι· τῶν τινὰ βέλτερόν ἐστιν ἐπαυρέμεν ἤ περ Ἀχαιούσ. πρῶϊ δ’ ὑπηοῖοι σὺν τεύχεσι θωρηχθέντεσ νηυσὶν ἔπι γλαφυρῇσιν ἐγείρομεν ὀξὺν Ἄρηα. εἰ δ’ ἐτεὸν παρὰ ναῦφιν ἀνέστη δῖοσ Ἀχιλλεύσ, ἄλγιον αἴ κ’ ἐθέλῃσι τῷ ἔσσεται· οὔ μιν ἔγωγε φεύξομαι ἐκ πολέμοιο δυσηχέοσ, ἀλλὰ μάλ’ ἄντην στήσομαι, ἤ κε φέρῃσι μέγα κράτοσ, ἦ κε φεροίμην. ξυνὸσ Ἐνυάλιοσ, καί τε κτανέοντα κατέκτα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 18 28:

(호메로스, 일리아스, Book 18 28:)

상위

목록

SEARCH

MENU NAVIGATION