헬라어 문장 검색 - Ηομερ́ΙλιαδΓρ́18́0́016́

(호메로스, 일리아스, Book 18 16:)

τὴν μὲν ἄρ’ Οὔλυμπον δὲ πόδεσ φέρον· αὐτὰρ Ἀχαιοὶ θεσπεσίῳ ἀλαλητῷ ὑφ’ Ἕκτοροσ ἀνδροφόνοιο φεύγοντεσ νῆάσ τε καὶ Ἑλλήσποντον ἵκοντο. οὐδέ κε Πάτροκλόν περ ἐϋκνήμιδεσ Ἀχαιοὶ ἐκ βελέων ἐρύσαντο νέκυν θεράποντ’ Ἀχιλῆοσ· αὖτισ γὰρ δὴ τόν γε κίχον λαόσ τε καὶ ἵπποι Ἕκτωρ τε Πριάμοιο πάϊσ φλογὶ εἴκελοσ ἀλκήν. τρὶσ μέν μιν μετόπισθε ποδῶν λάβε φαίδιμοσ Ἕκτωρ ἑλκέμεναι μεμαώσ, μέγα δὲ Τρώεσσιν ὁμόκλα· τρὶσ δὲ δύ’ Αἰάντεσ θοῦριν ἐπιειμένοι ἀλκὴν νεκροῦ ἀπεστυφέλιξαν· ὃ δ’ ἔμπεδον ἀλκὶ πεποιθὼσ ἄλλοτ’ ἐπαί̈ξασκε κατὰ μόθον, ἄλλοτε δ’ αὖτε στάσκε μέγα ἰάχων· ὀπίσω δ’ οὐ χάζετο πάμπαν. ὡσ δ’ ἀπὸ σώματοσ οὔ τι λέοντ’ αἴθωνα δύνανται ποιμένεσ ἄγραυλοι μέγα πεινάοντα δίεσθαι, ὥσ ῥα τὸν οὐκ ἐδύναντο δύω Αἰάντε κορυστὰ Ἕκτορα Πριαμίδην ἀπὸ νεκροῦ δειδίξασθαι. καί νύ κεν εἴρυσσέν τε καὶ ἄσπετον ἤρατο κῦδοσ, εἰ μὴ Πηλεί̈ωνι ποδήνεμοσ ὠκέα Ἶρισ ἄγγελοσ ἦλθε θέουσ’ ἀπ’ Ὀλύμπου θωρήσσεσθαι κρύβδα Διὸσ ἄλλων τε θεῶν· πρὸ γὰρ ἧκέ μιν Ἥρη. ἀγχοῦ δ’ ἱσταμένη ἔπεα πτερόεντα προσηύδα· ὄρσεο Πηλεί̈δη, πάντων ἐκπαγλότατ’ ἀνδρῶν· Πατρόκλῳ ἐπάμυνον, οὗ εἵνεκα φύλοπισ αἰνὴ ἕστηκε πρὸ νεῶν· οἳ δ’ ἀλλήλουσ ὀλέκουσιν οἳ μὲν ἀμυνόμενοι νέκυοσ πέρι τεθνηῶτοσ, οἳ δὲ ἐρύσσασθαι ποτὶ Ἴλιον ἠνεμόεσσαν Τρῶεσ ἐπιθύουσι· μάλιστα δὲ φαίδιμοσ Ἕκτωρ ἑλκέμεναι μέμονεν· κεφαλὴν δέ ἑ θυμὸσ ἄνωγε πῆξαι ἀνὰ σκολόπεσσι ταμόνθ’ ἁπαλῆσ ἀπὸ δειρῆσ. ἀλλ’ ἄνα μηδ’ ἔτι κεῖσο· σέβασ δέ σε θυμὸν ἱκέσθω Πάτροκλον Τρῳῇσι κυσὶν μέλπηθρα γενέσθαι· σοὶ λώβη, αἴ κέν τι νέκυσ ᾐσχυμμένοσ ἔλθῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 18 16:

(호메로스, 일리아스, Book 18 16:)

상위

목록

SEARCH

MENU NAVIGATION