헬라어 문장 검색 - Ηομερ́ΙλιαδΓρ́18́0́010́

(호메로스, 일리아스, Book 18 10:)

τὴν δὲ μέγ’ ὀχθήσασ προσέφη πόδασ ὠκὺσ Ἀχιλλεύσ· αὐτίκα τεθναίην, ἐπεὶ οὐκ ἄρ’ ἔμελλον ἑταίρῳ κτεινομένῳ ἐπαμῦναι· ὃ μὲν μάλα τηλόθι πάτρησ ἔφθιτ’, ἐμεῖο δὲ δῆσεν ἀρῆσ ἀλκτῆρα γενέσθαι. νῦν δ’ ἐπεὶ οὐ νέομαί γε φίλην ἐσ πατρίδα γαῖαν, οὐδέ τι Πατρόκλῳ γενόμην φάοσ οὐδ’ ἑτάροισι τοῖσ ἄλλοισ, οἳ δὴ πολέεσ δάμεν Ἕκτορι δίῳ, ἀλλ’ ἧμαι παρὰ νηυσὶν ἐτώσιον ἄχθοσ ἀρούρησ, τοῖοσ ἐὼν οἱο͂σ οὔ τισ Ἀχαιῶν χαλκοχιτώνων ἐν πολέμῳ· ἀγορῇ δέ τ’ ἀμείνονέσ εἰσι καὶ ἄλλοι. ὡσ ἔρισ ἔκ τε θεῶν ἔκ τ’ ἀνθρώπων ἀπόλοιτο καὶ χόλοσ, ὅσ τ’ ἐφέηκε πολύφρονά περ χαλεπῆναι, ὅσ τε πολὺ γλυκίων μέλιτοσ καταλειβομένοιο ἀνδρῶν ἐν στήθεσσιν ἀέξεται ἠύ̈τε καπνόσ· ὡσ ἐμὲ νῦν ἐχόλωσεν ἄναξ ἀνδρῶν Ἀγαμέμνων. ἀλλὰ τὰ μὲν προτετύχθαι ἐάσομεν ἀχνύμενοί περ, θυμὸν ἐνὶ στήθεσσι φίλον δαμάσαντεσ ἀνάγκῃ· νῦν δ’ εἶμ’ ὄφρα φίλησ κεφαλῆσ ὀλετῆρα κιχείω Ἕκτορα· κῆρα δ’ ἐγὼ τότε δέξομαι ὁππότε κεν δὴ Ζεὺσ ἐθέλῃ τελέσαι ἠδ’ ἀθάνατοι θεοὶ ἄλλοι. οὐδὲ γὰρ οὐδὲ βίη Ἡρακλῆοσ φύγε κῆρα, ὅσ περ φίλτατοσ ἔσκε Διὶ Κρονίωνι ἄνακτι· ἀλλά ἑ μοῖρα δάμασσε καὶ ἀργαλέοσ χόλοσ Ἥρησ. ὣσ καὶ ἐγών, εἰ δή μοι ὁμοίη μοῖρα τέτυκται, κείσομ’ ἐπεί κε θάνω· νῦν δὲ κλέοσ ἐσθλὸν ἀροίμην, καί τινα Τρωϊάδων καὶ Δαρδανίδων βαθυκόλπων ἀμφοτέρῃσιν χερσὶ παρειάων ἁπαλάων δάκρυ’ ὀμορξαμένην ἁδινὸν στοναχῆσαι ἐφείην, γνοῖεν δ’ ὡσ δὴ δηρὸν ἐγὼ πολέμοιο πέπαυμαι· μὴ δέ μ’ ἔρυκε μάχησ φιλέουσά περ· οὐδέ με πείσεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 18 10:

(호메로스, 일리아스, Book 18 10:)

상위

목록

SEARCH

MENU NAVIGATION