헬라어 문장 검색 - Ηομερ́ΙλιαδΓρ́18́0́007́

(호메로스, 일리아스, Book 18 7:)

τὴν δὲ βαρὺ στενάχων προσέφη πόδασ ὠκὺσ Ἀχιλλεύσ· μῆτερ ἐμή, τὰ μὲν ἄρ μοι Ὀλύμπιοσ ἐξετέλεσσεν· ἀλλὰ τί μοι τῶν ἦδοσ ἐπεὶ φίλοσ ὤλεθ’ ἑταῖροσ Πάτροκλοσ, τὸν ἐγὼ περὶ πάντων τῖον ἑταίρων ἶσον ἐμῇ κεφαλῇ; τὸν ἀπώλεσα, τεύχεα δ’ Ἕκτωρ δῃώσασ ἀπέδυσε πελώρια θαῦμα ἰδέσθαι καλά· τὰ μὲν Πηλῆϊ θεοὶ δόσαν ἀγλαὰ δῶρα ἤματι τῷ ὅτε σε βροτοῦ ἀνέροσ ἔμβαλον εὐνῇ. αἴθ’ ὄφελεσ σὺ μὲν αὖθι μετ’ ἀθανάτῃσ ἁλίῃσι ναίειν, Πηλεὺσ δὲ θνητὴν ἀγαγέσθαι ἄκοιτιν. νῦν δ’ ἵνα καὶ σοὶ πένθοσ ἐνὶ φρεσὶ μυρίον εἰή παιδὸσ ἀποφθιμένοιο, τὸν οὐχ ὑποδέξεαι αὖτισ οἴκαδε νοστήσαντ’, ἐπεὶ οὐδ’ ἐμὲ θυμὸσ ἄνωγε ζώειν οὐδ’ ἄνδρεσσι μετέμμεναι, αἴ κε μὴ Ἕκτωρ πρῶτοσ ἐμῷ ὑπὸ δουρὶ τυπεὶσ ἀπὸ θυμὸν ὀλέσσῃ, Πατρόκλοιο δ’ ἕλωρα Μενοιτιάδεω ἀποτίσῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Homer, Iliad, Book 18 7:

(호메로스, 일리아스, Book 18 7:)

상위

목록

SEARCH

MENU NAVIGATION