헬라어 문장 검색 - Ηομερ́ΙλιαδΓρ́13́0́050́

(호메로스, 일리아스, Book 13 50:)

οἳ δ’ ἀμφ’ Ἀλκαθόῳ αὐτοσχεδὸν ὁρμήθησαν μακροῖσι ξυστοῖσι· περὶ στήθεσσι δὲ χαλκὸσ σμερδαλέον κονάβιζε τιτυσκομένων καθ’ ὅμιλον ἀλλήλων· δύο δ’ ἄνδρεσ ἀρήϊοι ἔξοχον ἄλλων Αἰνείασ τε καὶ Ἰδομενεὺσ ἀτάλαντοι Ἄρηϊ ἱέντ’ ἀλλήλων ταμέειν χρόα νηλέϊ χαλκῷ. Αἰνείασ δὲ πρῶτοσ ἀκόντισεν Ἰδομενῆοσ· ἀλλ’ ὃ μὲν ἄντα ἰδὼν ἠλεύατο χάλκεον ἔγχοσ, αἰχμὴ δ’ Αἰνείαο κραδαινομένη κατὰ γαίησ ᾤχετ’, ἐπεί ῥ’ ἅλιον στιβαρῆσ ἀπὸ χειρὸσ ὄρουσεν. Ἰδομενεὺσ δ’ ἄρα Οἰνόμαον βάλε γαστέρα μέσσην, ῥῆξε δὲ θώρηκοσ γύαλον, διὰ δ’ ἔντερα χαλκὸσ ἤφυσ’· ὃ δ’ ἐν κονίῃσι πεσὼν ἕλε γαῖαν ἀγοστῷ. Ἰδομενεὺσ δ’ ἐκ μὲν νέκυοσ δολιχόσκιον ἔγχοσ ἐσπάσατ’, οὐδ’ ἄρ’ ἔτ’ ἄλλα δυνήσατο τεύχεα καλὰ ὤμοιιν ἀφελέσθαι· ἐπείγετο γὰρ βελέεσσιν. οὐ γὰρ ἔτ’ ἔμπεδα γυῖα ποδῶν ἦν ὁρμηθέντι, οὔτ’ ἄρ’ ἐπαί̈ξαι μεθ’ ἑὸν· βέλοσ οὔτ’ ἀλέασθαι. τώ ῥα καὶ ἐν σταδίῃ μὲν ἀμύνετο νηλεὲσ ἦμαρ, τρέσσαι δ’ οὐκ ἔτι ῥίμφα πόδεσ φέρον ἐκ πολέμοιο. τοῦ δὲ βάδην ἀπιόντοσ ἀκόντισε δουρὶ φαεινῷ Δηί̈φοβοσ· δὴ γάρ οἱ ἔχεν κότον ἐμμενὲσ αἰεί. ἀλλ’ ὅ γε καὶ τόθ’ ἅμαρτεν, ὃ δ’ Ἀσκάλαφον βάλε δουρὶ υἱὸν Ἐνυαλίοιο· δι’ ὤμου δ’ ὄβριμον ἔγχοσ ἔσχεν· ὃ δ’ ἐν κονίῃσι πεσὼν ἕλε γαῖαν ἀγοστῷ. οὐδ’ ἄρα πώ τι πέπυστο βριήπυοσ ὄβριμοσ Ἄρησ υἱο͂σ ἑοῖο πεσόντοσ ἐνὶ κρατερῇ ὑσμίνῃ, ἀλλ’ ὅ γ’ ἄρ’ ἄκρῳ Ὀλύμπῳ ὑπὸ χρυσέοισι νέφεσσιν ἧστο Διὸσ βουλῇσιν ἐελμένοσ, ἔνθά περ ἄλλοι ἀθάνατοι θεοὶ ἦσαν ἐεργόμενοι πολέμοιο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 13 50:

(호메로스, 일리아스, Book 13 50:)

상위

목록

SEARCH

MENU NAVIGATION