헬라어 문장 검색 - Ηομερ́ΙλιαδΓρ́13́0́018́

(호메로스, 일리아스, Book 13 18:)

οἳ δ’ ἄλλοι μάρναντο, βοὴ δ’ ἄσβεστοσ ὀρώρει. Τεῦκροσ δὲ πρῶτοσ Τελαμώνιοσ ἄνδρα κατέκτα Ἴμβριον αἰχμητὴν πολυί̈ππου Μέντοροσ υἱόν· ναῖε δὲ Πήδαιον πρὶν ἐλθεῖν υἱᾶσ Ἀχαιῶν, κούρην δὲ Πριάμοιο νόθην ἔχε, Μηδεσικάστην· αὐτὰρ ἐπεὶ Δαναῶν νέεσ ἤλυθον ἀμφιέλισσαι, ἂψ ἐσ Ἴλιον ἦλθε, μετέπρεπε δὲ Τρώεσσι, ναῖε δὲ πὰρ Πριάμῳ· ὃ δέ μιν τίεν ἶσα τέκεσσι. τόν ῥ’ υἱὸσ Τελαμῶνοσ ὑπ’ οὐάτοσ ἔγχεϊ μακρῷ νύξ’, ἐκ δ’ ἔσπασεν ἔγχοσ· ὃ δ’ αὖτ’ ἔπεσεν μελίη ὣσ ἥ τ’ ὄρεοσ κορυφῇ ἕκαθεν περιφαινομένοιο χαλκῷ ταμνομένη τέρενα χθονὶ φύλλα πελάσσῃ· ὣσ πέσεν, ἀμφὶ δέ οἱ βράχε τεύχεα ποικίλα χαλκῷ. Τεῦκροσ δ’ ὁρμήθη μεμαὼσ ἀπὸ τεύχεα δῦσαι· Ἕκτωρ δ’ ὁρμηθέντοσ ἀκόντισε δουρὶ φαεινῷ. ἀλλ’ ὃ μὲν ἄντα ἰδὼν ἠλεύατο χάλκεον ἔγχοσ τυτθόν· ὃ δ’ Ἀμφίμαχον Κτεάτου υἷ’ Ἀκτορίωνοσ νισόμενον πόλεμον δὲ κατὰ στῆθοσ βάλε δουρί· δούπησεν δὲ πεσών, ἀράβησε δὲ τεύχε’ ἐπ’ αὐτῷ. Ἕκτωρ δ’ ὁρμήθη κόρυθα κροτάφοισ ἀραρυῖαν κρατὸσ ἀφαρπάξαι μεγαλήτοροσ Ἀμφιμάχοιο· Αἰάσ δ’ ὁρμηθέντοσ ὀρέξατο δουρὶ φαεινῷ Ἕκτοροσ· ἀλλ’ οὔ πῃ χροὸσ εἴσατο, πᾶσ δ’ ἄρα χαλκῷ σμερδαλέῳ κεκάλυφθ’· ὃ δ’ ἄρ’ ἀσπίδοσ ὀμφαλὸν οὖτα, ὦσε δέ μιν σθένεϊ μεγάλῳ· ὃ δὲ χάσσατ’ ὀπίσσω νεκρῶν ἀμφοτέρων, τοὺσ δ’ ἐξείρυσσαν Ἀχαιοί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Homer, Iliad, Book 13 18:

(호메로스, 일리아스, Book 13 18:)

상위

목록

SEARCH

MENU NAVIGATION