헬라어 문장 검색 - Ηομερ́ΙλιαδΓρ́09́0́028́

(호메로스, 일리아스, Book 9 28:)

ἣ δὲ χολωσαμένη δῖον γένοσ ἰοχέαιρα ὦρσεν ἔπι χλούνην σῦν ἄγριον ἀργιόδοντα, ὃσ κακὰ πόλλ’ ἑρ́δεσκεν ἔθων Οἰνῆοσ ἀλωήν· πολλὰ δ’ ὅ γε προθέλυμνα χαμαὶ βάλε δένδρεα μακρὰ αὐτῇσιν ῥίζῃσι καὶ αὐτοῖσ ἄνθεσι μήλων. τὸν δ’ υἱὸσ Οἰνῆοσ ἀπέκτεινεν Μελέαγροσ πολλέων ἐκ πολίων θηρήτορασ ἄνδρασ ἀγείρασ καὶ κύνασ· οὐ μὲν γάρ κε δάμη παύροισι βροτοῖσι· τόσσοσ ἐήν, πολλοὺσ δὲ πυρῆσ ἐπέβησ’ ἀλεγεινῆσ. ἣ δ’ ἀμφ’ αὐτῷ θῆκε πολὺν κέλαδον καὶ ἀϋτὴν ἀμφὶ συὸσ κεφαλῇ καὶ δέρματι λαχνήεντι, Κουρήτων τε μεσηγὺ καὶ Αἰτωλῶν μεγαθύμων. ὄφρα μὲν οὖν Μελέαγροσ ἄρηι φίλοσ πολέμιζε, τόφρα δὲ Κουρήτεσσι κακῶσ ἦν, οὐδὲ δύναντο τείχεοσ ἔκτοσθεν μίμνειν πολέεσ περ ἐόντεσ· ἀλλ’ ὅτε δὴ Μελέαγρον ἔδυ χόλοσ, ὅσ τε καὶ ἄλλων οἰδάνει ἐν στήθεσσι νόον πύκα περ φρονεόντων, ἤτοι ὃ μητρὶ φίλῃ Ἀλθαίῃ χωόμενοσ κῆρ κεῖτο παρὰ μνηστῇ ἀλόχῳ καλῇ Κλεοπάτρῃ κούρῃ Μαρπήσσησ καλλισφύρου Εὐηνίνησ Ἴδεώ θ’, ὃσ κάρτιστοσ ἐπιχθονίων γένετ’ ἀνδρῶν τῶν τότε· καί ῥα ἄνακτοσ ἐναντίον εἵλετο τόξον Φοίβου Ἀπόλλωνοσ καλλισφύρου εἵνεκα νύμφησ, τὴν δὲ τότ’ ἐν μεγάροισι πατὴρ καὶ πότνια μήτηρ Ἀλκυόνην καλέεσκον ἐπώνυμον, οὕνεκ’ ἄρ’ αὐτῆσ μήτηρ ἀλκυόνοσ πολυπενθέοσ οἶτον ἔχουσα κλαῖεν ὅ μιν ἑκάεργοσ ἀνήρπασε Φοῖβοσ Ἀπόλλων· τῇ ὅ γε παρκατέλεκτο χόλον θυμαλγέα πέσσων ἐξ ἀρέων μητρὸσ κεχολωμένοσ, ἥ ῥα θεοῖσι πόλλ’ ἀχέουσ’ ἠρᾶτο κασιγνήτοιο φόνοιο, πολλὰ δὲ καὶ γαῖαν πολυφόρβην χερσὶν ἀλοία κικλήσκουσ’ Αἴ̈δην καὶ ἐπαινὴν Περσεφόνειαν πρόχνυ καθεζομένη, δεύοντο δὲ δάκρυσι κόλποι, παιδὶ δόμεν θάνατον· τῆσ δ’ ἠεροφοῖτισ Ἐρινὺσ ἔκλυεν ἐξ Ἐρέβεσφιν ἀμείλιχον ἦτορ ἔχουσα. τῶν δὲ τάχ’ ἀμφὶ πύλασ ὅμαδοσ καὶ δοῦποσ ὀρώρει πύργων βαλλομένων· τὸν δὲ λίσσοντο γέροντεσ Αἰτωλῶν, πέμπον δὲ θεῶν ἱερῆασ ἀρίστουσ, ἐξελθεῖν καὶ ἀμῦναι ὑποσχόμενοι μέγα δῶρον· ὁππόθι πιότατον πεδίον Καλυδῶνοσ ἐραννῆσ, ἔνθά μιν ἤνωγον τέμενοσ περικαλλὲσ ἑλέσθαι πεντηκοντόγυον, τὸ μὲν ἥμισυ οἰνοπέδοιο, ἥμισυ δὲ ψιλὴν ἄροσιν πεδίοιο ταμέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 9 28:

(호메로스, 일리아스, Book 9 28:)

상위

목록

SEARCH

MENU NAVIGATION