헬라어 문장 검색 - Ηομερ́ΙλιαδΓρ́09́0́023́

(호메로스, 일리아스, Book 9 23:)

οὐδέ τί οἱ βουλὰσ συμφράσσομαι, οὐδὲ μὲν ἔργον· ἐκ γὰρ δή μ’ ἀπάτησε καὶ ἤλιτεν· οὐδ’ ἂν ἔτ’ αὖτισ ἐξαπάφοιτ’ ἐπέεσσιν· ἅλισ δέ οἱ· ἀλλὰ ἕκηλοσ ἐρρέτω· ἐκ γάρ εὑ φρένασ εἵλετο μητίετα Ζεύσ. ἐχθρὰ δέ μοι τοῦ δῶρα, τίω δέ μιν ἐν καρὸσ αἴσῃ. οὐδ’ εἴ μοι δεκάκισ τε καὶ εἰκοσάκισ τόσα δοίη ὅσσά τέ οἱ νῦν ἔστι, καὶ εἴ ποθεν ἄλλα γένοιτο, οὐδ’ ὅσ’ ἐσ Ὀρχομενὸν ποτινίσεται, οὐδ’ ὅσα Θήβασ Αἰγυπτίασ, ὅθι πλεῖστα δόμοισ ἐν κτήματα κεῖται, αἵ θ’ ἑκατόμπυλοί εἰσι, διηκόσιοι δ’ ἀν’ ἑκάστασ ἀνέρεσ ἐξοιχνεῦσι σὺν ἵπποισιν καὶ ὄχεσφιν· οὐδ’ εἴ μοι τόσα δοίη ὅσα ψάμαθόσ τε κόνισ τε, οὐδέ κεν ὧσ ἔτι θυμὸν ἐμὸν πείσει’ Ἀγαμέμνων πρίν γ’ ἀπὸ πᾶσαν ἐμοὶ δόμεναι θυμαλγέα λώβην. κούρην δ’ οὐ γαμέω Ἀγαμέμνονοσ Ἀτρεί̈δαο, οὐδ’ εἰ χρυσείῃ Ἀφροδίτῃ κάλλοσ ἐρίζοι, ἔργα δ’ Ἀθηναίῃ γλαυκώπιδι ἰσοφαρίζοι· οὐδέ μιν ὧσ γαμέω· ὃ δ’ Ἀχαιῶν ἄλλον ἑλέσθω, ὅσ τισ οἷ τ’ ἐπέοικε καὶ ὃσ βασιλεύτερόσ ἐστιν. ἢν γὰρ δή με σαῶσι θεοὶ καὶ οἴκαδ’ ἵκωμαι, Πηλεύσ θήν μοι ἔπειτα γυναῖκά γε μάσσεται αὐτόσ. πολλαὶ Ἀχαιί̈δεσ εἰσὶν ἀν’ Ἑλλάδα τε Φθίην τε κοῦραι ἀριστήων, οἵ τε πτολίεθρα ῥύονται, τάων ἥν κ’ ἐθέλωμι φίλην ποιήσομ’ ἄκοιτιν. ἔνθα δέ μοι μάλα πολλὸν ἐπέσσυτο θυμὸσ ἀγήνωρ γήμαντα μνηστὴν ἄλοχον ἐϊκυῖαν ἄκοιτιν κτήμασι τέρπεσθαι τὰ γέρων ἐκτήσατο Πηλεύσ· οὐ γὰρ ἐμοὶ ψυχῆσ ἀντάξιον οὐδ’ ὅσα φασὶν Ἴλιον ἐκτῆσθαι εὖ ναιόμενον πτολίεθρον τὸ πρὶν ἐπ’ εἰρήνησ, πρὶν ἐλθεῖν υἱᾶσ Ἀχαιῶν, οὐδ’ ὅσα λάϊνοσ οὐδὸσ ἀφήτοροσ ἐντὸσ ἐέργει Φοίβου Ἀπόλλωνοσ Πυθοῖ ἔνι πετρηέσσῃ. ληϊστοὶ μὲν γάρ τε βόεσ καὶ ἴφια μῆλα, κτητοὶ δὲ τρίποδέσ τε καὶ ἵππων ξανθὰ κάρηνα, ἀνδρὸσ δὲ ψυχὴ πάλιν ἐλθεῖν οὔτε λεϊστὴ οὔθ’ ἑλετή, ἐπεὶ ἄρ κεν ἀμείψεται ἑρ́κοσ ὀδόντων. μήτηρ γάρ τέ μέ φησι θεὰ Θέτισ ἀργυρόπεζα διχθαδίασ κῆρασ φερέμεν θανάτοιο τέλοσ δέ. εἰ μέν κ’ αὖθι μένων Τρώων πόλιν ἀμφιμάχωμαι, ὤλετο μέν μοι νόστοσ, ἀτὰρ κλέοσ ἄφθιτον ἔσται· εἰ δέ κεν οἴκαδ’ ἵκωμι φίλην ἐσ πατρίδα γαῖαν, ὤλετό μοι κλέοσ ἐσθλόν, ἐπὶ δηρὸν δέ μοι αἰὼν ἔσσεται, οὐδέ κέ μ’ ὦκα τέλοσ θανάτοιο κιχείη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 9 23:

(호메로스, 일리아스, Book 9 23:)

상위

목록

SEARCH

MENU NAVIGATION