헬라어 문장 검색 - Ηομερ́ΙλιαδΓρ́09́0́019́

(호메로스, 일리아스, Book 9 19:)

ταῦτ’ αἰνῶσ δείδοικα κατὰ φρένα, μή οἱ ἀπειλὰσ ἐκτελέσωσι θεοί, ἡμῖν δὲ δὴ αἴσιμον εἰή φθίσθαι ἐνὶ Τροίῃ ἑκὰσ Ἄργεοσ ἱπποβότοιο. ἀλλ’ ἄνα εἰ μέμονάσ γε καὶ ὀψέ περ υἱᾶσ Ἀχαιῶν τειρομένουσ ἐρύεσθαι ὑπὸ Τρώων ὀρυμαγδοῦ. αὐτῷ τοι μετόπισθ’ ἄχοσ ἔσσεται, οὐδέ τι μῆχοσ ῥεχθέντοσ κακοῦ ἔστ’ ἄκοσ εὑρεῖν· ἀλλὰ πολὺ πρὶν φράζευ ὅπωσ Δαναοῖσιν ἀλεξήσεισ κακὸν ἦμαρ. ὦ πέπον ἦ μὲν σοί γε πατὴρ ἐπετέλλετο Πηλεὺσ ἤματι τῷ ὅτε σ’ ἐκ Φθίησ Ἀγαμέμνονι πέμπε· τέκνον ἐμὸν κάρτοσ μὲν Ἀθηναίη τε καὶ Ἥρη δώσουσ’ αἴ κ’ ἐθέλωσι, σὺ δὲ μεγαλήτορα θυμὸν ἴσχειν ἐν στήθεσσι· φιλοφροσύνη γὰρ ἀμείνων· ληγέμεναι δ’ ἔριδοσ κακομηχάνου, ὄφρά σε μᾶλλον τίωσ’ Ἀργείων ἠμὲν νέοι ἠδὲ γέροντεσ. ὣσ ἐπέτελλ’ ὃ γέρων, σὺ δὲ λήθεαι· ἀλλ’ ἔτι καὶ νῦν παύε’, ἐά δὲ χόλον θυμαλγέα· σοὶ δ’ Ἀγαμέμνων ἄξια δῶρα δίδωσι μεταλήξαντι χόλοιο. εἰ δὲ σὺ μέν μευ ἄκουσον, ἐγὼ δέ κέ τοι καταλέξω ὅσσά τοι ἐν κλισίῃσιν ὑπέσχετο δῶρ’ Ἀγαμέμνων· ἕπτ’ ἀπύρουσ τρίποδασ, δέκα δὲ χρυσοῖο τάλαντα, αἴθωνασ δὲ λέβητασ ἐείκοσι, δώδεκα δ’ ἵππουσ πηγοὺσ ἀθλοφόρουσ, οἳ ἀέθλια ποσσὶν ἄροντο. οὔ κεν ἀλήϊοσ εἰή ἀνὴρ ᾧ τόσσα γένοιτο οὐδέ κεν ἀκτήμων ἐριτίμοιο χρυσοῖο, ὅσσ’ Ἀγαμέμνονοσ ἵπποι ἀέθλια ποσσὶν ἄροντο. δώσει δ’ ἑπτὰ γυναῖκασ ἀμύμονα ἔργα ἰδυίασ Λεσβίδασ, ἃσ ὅτε Λέσβον ἐϋκτιμένην ἕλεσ αὐτὸσ ἐξέλεθ’, αἳ τότε κάλλει ἐνίκων φῦλα γυναικῶν. τὰσ μέν τοι δώσει, μετὰ δ’ ἔσσεται ἣν τότ’ ἀπηύρα κούρη Βρισῆοσ· ἐπὶ δὲ μέγαν ὁρ́κον ὀμεῖται μή ποτε τῆσ εὐνῆσ ἐπιβήμεναι ἠδὲ μιγῆναι ἣ θέμισ ἐστὶν ἄναξ ἤτ’ ἀνδρῶν ἤτε γυναικῶν. ταῦτα μὲν αὐτίκα πάντα παρέσσεται· εἰ δέ κεν αὖτε ἄστυ μέγα Πριάμοιο θεοὶ δώωσ’ ἀλαπάξαι, νῆα ἅλισ χρυσοῦ καὶ χαλκοῦ νηήσασθαι εἰσελθών, ὅτε κεν δατεώμεθα ληί̈δ’ Ἀχαιοί, Τρωϊάδασ δὲ γυναῖκασ ἐείκοσιν αὐτὸσ ἑλέσθαι, αἵ κε μετ’ Ἀργείην Ἑλένην κάλλισται ἐώσιν. εἰ δέ κεν Ἄργοσ ἱκοίμεθ’ Ἀχαιϊκὸν οὖθαρ ἀρούρησ γαμβρόσ κέν οἱ ἐοίσ· τίσει δέ σε ἶσον Ὀρέστῃ, ὅσ οἱ τηλύγετοσ τρέφεται θαλίῃ ἔνι πολλῇ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 9 19:

(호메로스, 일리아스, Book 9 19:)

상위

목록

SEARCH

MENU NAVIGATION