Homer, Iliad, Book 4 34:

τὸν δ’ ἠμείβετ’ ἔπειτα Γερήνιοσ ἱππότα Νέστωρ· Ἀτρεί̈δη μάλα μέν τοι ἐγὼν ἐθέλοιμι καὶ αὐτὸσ ὣσ ἔμεν ὡσ ὅτε δῖον Ἐρευθαλίωνα κατέκταν. ἀλλ’ οὔ πωσ ἅμα πάντα θεοὶ δόσαν ἀνθρώποισιν· εἰ τότε κοῦροσ ἐά νῦν αὖτέ με γῆρασ ὀπάζει. ἀλλὰ καὶ ὧσ ἱππεῦσι μετέσσομαι ἠδὲ κελεύσω βουλῇ καὶ μύθοισι· τὸ γὰρ γέρασ ἐστὶ γερόντων. αἰχμὰσ δ’ αἰχμάσσουσι νεώτεροι, οἵ περ ἐμεῖο ὁπλότεροι γεγάασι πεποίθασίν τε βίηφιν.