헬라어 문장 검색 - Ηομερ́ΙλιαδΓρ́01́0́018́

(호메로스, 일리아스, Book 1 18:)

τὸν δ’ ἄρ’ ὑπόδρα ἰδὼν προσέφη πόδασ ὠκὺσ Ἀχιλλεύσ· ὤ μοι ἀναιδείην ἐπιειμένε κερδαλεόφρον πῶσ τίσ τοι πρόφρων ἔπεσιν πείθηται Ἀχαιῶν ἢ ὁδὸν ἐλθέμεναι ἢ ἀνδράσιν ἶφι μάχεσθαι; οὐ γὰρ ἐγὼ Τρώων ἕνεκ’ ἤλυθον αἰχμητάων δεῦρο μαχησόμενοσ, ἐπεὶ οὔ τί μοι αἴτιοί εἰσιν· οὐ γὰρ πώποτ’ ἐμὰσ βοῦσ ἤλασαν οὐδὲ μὲν ἵππουσ, οὐδέ ποτ’ ἐν Φθίῃ ἐριβώλακι βωτιανείρῃ καρπὸν ἐδηλήσαντ’, ἐπεὶ ἦ μάλα πολλὰ μεταξὺ οὔρεά τε σκιόεντα θάλασσά τε ἠχήεσσα· ἀλλὰ σοὶ ὦ μέγ’ ἀναιδὲσ ἅμ’ ἑσπόμεθ’ ὄφρα σὺ χαίρῃσ, τιμὴν ἀρνύμενοι Μενελάῳ σοί τε κυνῶπα πρὸσ Τρώων· τῶν οὔ τι μετατρέπῃ οὐδ’ ἀλεγίζεισ· καὶ δή μοι γέρασ αὐτὸσ ἀφαιρήσεσθαι ἀπειλεῖσ, ᾧ ἔπι πολλὰ μόγησα, δόσαν δέ μοι υἱε͂σ Ἀχαιῶν. οὐ μὲν σοί ποτε ἶσον ἔχω γέρασ ὁππότ’ Ἀχαιοὶ Τρώων ἐκπέρσωσ’ εὖ ναιόμενον πτολίεθρον· ἀλλὰ τὸ μὲν πλεῖον πολυάϊκοσ πολέμοιο χεῖρεσ ἐμαὶ διέπουσ’· ἀτὰρ ἤν ποτε δασμὸσ ἵκηται, σοὶ τὸ γέρασ πολὺ μεῖζον, ἐγὼ δ’ ὀλίγον τε φίλον τε ἔρχομ’ ἔχων ἐπὶ νῆασ, ἐπεί κε κάμω πολεμίζων. νῦν δ’ εἶμι Φθίην δ’, ἐπεὶ ἦ πολὺ φέρτερόν ἐστιν οἴκαδ’ ἴμεν σὺν νηυσὶ κορωνίσιν, οὐδέ σ’ ὀί̈ω ἐνθάδ’ ἄτιμοσ ἐὼν ἄφενοσ καὶ πλοῦτον ἀφύξειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 1 18:

(호메로스, 일리아스, Book 1 18:)

상위

목록

SEARCH

MENU NAVIGATION