헬라어 문장 검색 - Ηιπποξ́Οευϝρεσ́08́05́0́

(히포크라테스, Oeuvres Completes D'Hippocrate., AFORISMOI., 72.)

Σπασμὸσ ἐξ ἐλλεβόρου, θανάσιμον. Ἐπὶ τρώματι σπασμὸσ ἐπιγενόμενοσ, θανάσιμον. Αἵματοσ πολλοῦ Ῥυέντοσ, σπασμὸσ ἢ λυγμὸσ ἐπιγενόμενοσ, κακόν. Ἐπὶ ὑπερκαθάρσει σπασμὸσ ἢ λυγμὸσ ἐπιγενόμενοσ, κακόν. Ἢν μεθύων ἐξαίφνησ ἄφωνόσ τισ γένηται, σπασθεὶσ ἀποθνήσκει, ἢν μὴ πυρετὸσ ἐπιλάβῃ, ἢ ἐσ τὴν ὡρ́ην ἐλθὼν, καθ’ ἣν αἱ κραιπάλαι λύονται, φθέγξηται. Ὁκόσοι ὑπὸ τετάνου ἁλίσκονται, ἐν τέσσαρσιν ἡμέρῃσιν ἀπόλλυνται‧ ἢν δὲ ταύτασ διαφύγωσιν, ὑγιέεσ γίνονται. Τὰ ἐπιληπτικὰ ὁκόσοισι πρὸ τῆσ ἥβησ γίνεται, μετάστασιν ἴσχει‧ ὁκόσοισι δὲ πέντε καὶ εἴκοσιν ἐτέων γίνεται, τουτέοισι τὰ πολλὰ ξυναποθνήσκει. Ὁκόσοι πλευριτικοὶ γενόμενοι οὐκ ἀνακαθαίρονται ἐν τεσσαρεσκαίδεκα ἡμέρῃσι, τουτέοισιν ἐσ ἐμπύημα καθίσταται. Φθίσισ γίνεται μάλιστα ἡλικίῃσι τῇσιν ἀπὸ ὀκτωκαίδεκα ἐτέων μέχρι πέντε καὶ τριήκοντα ἐτέων. Ὁκόσοι κυνάγχην διαφεύγουσι, καὶ ἐσ τὸν πλεύμονα αὐτέοισι τρέπεται, ἐν ἑπτὰ ἡμέρῃσιν ἀποθνήσκουσιν‧ ἢν δὲ ταύτασ διαφύγωσιν, ἒμπυοι γίνονται. Τοῖσιν ὑπὸ τῶν φθισίων ἐνοχλουμένοισιν, ἢν τὸ πτύσμα, ὅπερ ἂν ἀποβήσσωσι, βαρὺ ὄζῃ ἐπὶ τοὺσ ἄνθρακασ ἐπιχεόμενον, καὶ αἱ τρίχεσ ἀπὸ τῆσ κεφαλῆσ Ῥέωσι, θανατῶδεσ. Ὁκόσοισι φθισιῶσιν αἱ τρίχεσ ἀπὸ τῆσ κεφαλῆσ Ῥέουσιν, οὗτοι, διαῤῬοίησ ἐπιγενομένησ, ἀποθνήσκουσιν. Ὁκόσοι αἷμα ἀφρῶδεσ ἀναπτύουσι, τουτέοισιν ἐκ τοῦ πλεύμονοσ ἡ τοιαύτη ἀναγωγὴ γίνεται. Ὑπὸ φθίσιοσ ἐχομένῳ διάῤῬοια ἐπιγενομένη, θανατῶδεσ. Ὁκόσοι ἐκ πλευρίτιδοσ ἔμπυοι γίνονται, ἢν ἀνακαθαρθῶσιν ἐν τεσσαράκοντα ἡμέρῃσιν, ἀφ’ ἧσ ἂν ἡ Ῥῆξισ γένηται, παύονται‧ ἢν δὲ μὴ, ἐσ φθίσιν μεθίσταντα. Τὸ θερμὸν βλάπτει ταῦτα πλεονάκισ χρεομένοισι, σαρκῶν ἐκθήλυνσιν, νεύρων ἀκράτειαν, γνώμησ νάρκωσιν, αἱμμῤῬαγίασ, λειποθυμίασ, ταῦτα οἷσι θάνατοσ. Τὸ δὲ ψυχρὸν, σπασμοὺσ, τετάνουσ, μελασμοὺσ καὶ Ῥίγεα πυρετώδεα. Τὸ ψυχρὸν, πολέμιον ὀστέοισιν, ὀδοῦσι, νεύροισὶν, ἐγκεφάλῳ, νωτιαίῳ μυελῷ‧ τὸ δὲ θερμὸν ὠφέλιμον. Ὁκόσα κατέψυκται, ἐκθερμαίνειν, πλὴν ὁκόσα αἱμοῤῬαγέει, ἢ μέλλει. Ἕλκεσι τὸ μὲν ψυχρὸν δακνῶδεσ, δέρμα περισκληρύνει, ὀδύνην ἀνεκπύητον ποιέει, μελαίνει, Ῥίγεα πυρετώδεα ποιέει, σπασμοὺσ καὶ τετάνουσ. Ἔστι δὲ ὅκου ἐπὶ τετάνου ἄνευ ἕλκεοσ νέῳ εὐσάρκῳ, θέρεοσ μέσου, ψυχροῦ πολλοῦ κατάχυσισ ἐπανάκλησιν θέρμησ ποιέεται‧ θέρμη δὲ ταῦτα Ῥύεται. Τὸ θερμὸν ἐκπυητικὸν, οὐκ ἐπὶ παντὶ ἕλκεϊ, μέγιστον σημεῖον ἐσ ἀσφαλείην, δέρμα μαλάσσει, ἰσχναίνει, ἀνώδυνον, Ῥιγέων, σπασμῶν, τετάνων παρηγορικόν‧ τὰ δὲ ἐν τῇ κεφαλῇ, καὶ καρηβαρίην λύει‧ πλεῖστον δὲ διαφέρει ὀστέων κατήγμασι, μάλιστα δὲ τοῖσιν ἐψιλωμένοισι, τουτέων δὲ μάλιστα, τοῖσιν ἐν κεφαλῇ ἕλκεα ἔχουσι‧ καὶ ὁκόσα ὑπὸ ψύξιοσ θνήσκει, ἢ ἑλκοῦται, καὶ ἑρ́πησιν ἐσθιομένοισιν, ἕδρῃ, αἰδοίῳ, ὑστέρῃ, κύστει, τουτέοισι τὸ μὲν θερμὸν φίλιον καὶ κρῖνον, τὸ δὲ ψυχρὸν πολέμιον καὶ κτεῖνον. Ἐν τουτέοισι δεῖ τῷ ψυχρῷ χρέεσθαι, ὁκόθεν αἱμοῤῬαγέει, ἢ μέλλει, μὴ ἐπ’ αὐτὰ, ἀλλὰ περὶ αὐτὰ, ὁκόθεν ἐπιῤῬεῖ‧ καὶ ὁκόσαι φλεγμοναὶ, ἢ ἐπιφλογίσματα ἐσ τὸ ἐρυθρόν καὶ ὕφαιμον Ῥέποντα αἵματι νεαρῷ, ἐπὶ ταῦτα, ἐπεὶ τά γε παλαιὰ μελαίνει‧ καὶ ἐρυσίπελασ τὸ μὴ ἑλκούμενον, ἐπεὶ τό γε ἑλκούμενον βλάπτει. Τὰ ψυχρὰ, οἱο͂ν χιὼν, κρύσταλλοσ, τῷ στήθεϊ πολέμια, βηχέων κινητικὰ, αἱμοῤῬοϊκαὶ, καταῤῬοϊκά. Τὰ ἐν ἄρθροισιν οἰδήματα καὶ ἀλγήματα, ἄτερ ἕλκεοσ, καὶ ποδαγρικὰ, καὶ σπάσματα, τουτέων τὰ πλεῖστα ψυχρὸν πολλὸν καταχεόμενον Ῥηί̈ζει τε καὶ ἰσχναίνει, καὶ ὀδύνην λύει‧ νάρκη δὲ μετρίη ὀδύνησ λυτική. Ὕδωρ τὸ ταχέωσ θερμαινόμενον καὶ ταχέωσ ψυχόμενον, κουφότατον. Ὁκόσοισι πιεῖν ὀρέξιεσ νύκτωρ τοῖσι πάνυ διψῶσιν, ἢν ἐπικοιμηθῶσιν, ἀγαθὸν. Γυναικείων ἀγωγὸν, ἡ ἐν ἀρώμασι πυρίη, πολλαχῆ δὲ καὶ ἐσ ἄλλα χρησίμη ἂν ἦν, εἰ μὴ καρηβαρίασ ἐνεποίεεν. Τὰσ κυούσασ φαρμακεύειν, ἢν ὀργᾷ, τετράμηνα, καὶ ἄχρι ἑπτὰ μηνῶν ἧσσον‧ τὰ δὲ νήπια καὶ πρεσβύτερα εὐλαβέεσθαι. Γυναικὶ ἐν γαστρὶ ἐχούσῃ ὑπό τινοσ τῶν ὀξέων νουσημάτων ληφθῆναι, θανατῶδεσ. Γυνὴ ἐν γαστρὶ ἔχουσα, φλεβοτομηθεῖσα, ἐκτιτρώσκει‧ καὶ μᾶλλον ᾖσι μεῖζον τὸ ἔμβρυον. Γυναικὶ αἷμα ἐμεούσῃ, τῶν καταμηνίων Ῥαγέντων, λύσισ. Γυναικὶ, τῶν καταμηνίων ἐκλειπόντων, αἷμα ἐκ τῶν Ῥινῶν Ῥυῆναι, ἀγαθόν. Γυναικὶ ἐν γαστρὶ ἐχούσῃ, ἢν ἡ κοιλίη πουλλὰ Ῥυῇ, κίνδυνοσ ἐκτρῶσαι. Γυναικὶ ὑπὸ ὑστερικῶν ἐνοχλουμένῃ, ἢ δυστοκούσῃ, πταρμὸσ ἐπιγινόμενοσ, ἀγαθόν. Γυναικὶ τὰ καταμήνια ἄχροα, καὶ μὴ κατὰ τὰ αὐτὰ αἰεὶ γινόμενα, καθάρσιοσ δεῖσθαι σημαίνει. Γυναικὶ ἐν γαστρὶ ἐχούσῃ, ἢν οἱ μασθοὶ ἐξαίφνησ ἰσχνοὶ γένωνται, ἐκτιτρώσκει. Γυναικὶ ἐν γαστρὶ ἐχούσῃ ἢν ὁ ἕτεροσ μασθὸσ ἰσχνὸσ γένηται, δίδυμα ἐχούσῃ, θάτερον ἐκτιτρώσκει‧ καὶ ἢν μὲν ὁ δεξιὸσ ἰσχνὸσ γένηται, τὸ ἄρσεν‧ ἢν δὲ ὁ ἀριστερὸσ, τὸ θῆλυ. Ἢν γυνὴ μὴ κύουσα, μηδὲ τετοκυῖα, γάλα ἔχῃ, ταύτῃ τὰ καταμήνια ἐκλέλοιπεν. Γυναιξὶν ὁκόσῃσιν ἐσ τοὺσ τιτθοὺσ αἷμα συστρέφεται, μανίην σημαίνει. Γυναῖκα ἢν θέλῃσ εἰδέναι εἰ κύει, ἐπὴν καθεύδειν μέλλῃ, ἀδείπνῳ ἐούσῃ, μελίκρητον διδόναι πιεῖν‧ κἢν μὲν στρόφοσ αὐτὴν ἔχῃ περὶ τὴν γαστέρα, κύει‧ ἢν δὲ μὴ, οὐ κύει. Γυνὴ ἔγκυοσ, ἢν μὲν ρσεν κύῃ, εὔχροόσ ἐστιν‧ ἢν δὲ θῆλυ, δύσχροοσ. Ἢν γυναικὶ κυούσῃ ἐρυσίπελασ ἐν τῇ ὑστέρῃ γένηται, θανατῶδεσ. Ὁκόσαι παρὰ φύσιν λεπταὶ ἐοῦσαι ἐν γαστρὶ ἔχουσιν, ἐκτιτρώσκουσι, πρὶν ἢ παχυνθῆναι. Ὁκόσαι δὲ μετρίωσ τὸ σῶμα ἔχουσαι ἐκτιτρώσκουσι δίμηνα καὶ τρίμηνα ἄτερ προφάσιοσ φανερῆσ, ταύτῃσιν αἱ κοτυληδόνεσ μύξησ μεσταί εἰσι, καὶ οὐ δύνανται κρατέειν ὑπὸ τοῦ βάρεοσ τὸ ἔμβρυον, ἀλλ’ ἀποῤῬήγνυνται. Ὁκόσαι παρὰ φύσιν παχεῖαι ἐοῦσαι μὴ ξυλλαμβάνουσιν ἐν γαστρὶ, ταύτῃσι τὸ ἐπίπλοον τὸ στόμα τῶν ὑστερέων ἀποπιέζει, καὶ, πρὶν ἢ λεπτυνθῆναι, οὐ κύουσιν. Ἢν ὑστέρη ἐν τῷ ἰσχίῳ ἐγκειμένη διαπυήσῃ, ἀνάγκη ἔμμοτον γενέσθαι. Ἔμβρυα τὰ μὲν ἄρσενα ἐν τοῖσι δεξιοῖσι, τὰ δὲ θήλεα ἐν τοῖσιν ἀριστεροῖσι μᾶλλον. Ὑστέρων ἐκπτώσιεσ, πταρμικὸν προσθεὶσ, ἐπιλάμβανε τοὺσ μυκτῆρασ καὶ τὸ στόμα. Γυναικὶ τὰ καταμήνια ἢν βούλῃ ἐπισχεῖν, σικύην ὡσ μεγίστην πρὸσ τοὺσ τιτθοὺσ πρόσβαλλε. Ὁκόσαι ἐν γαστρὶ ἔχουσι, τουτέων τὸ στόμα τῶν ὑστερέων ξυμμέμυκεν. Ἢν γυναικὶ ἐν γαστρὶ ἐχούσῃ γάλα πουλὺ ἐκ τῶν μαζῶν Ῥυῇ, ἀσθενὲσ τὸ ἔμβρυον σημαίνει‧ ἢν δὲ στερεοὶ οἱ μαστοὶ ἐώσιν, ὑγιεινότερον τὸ ἔμβρυον σημαίνει. Ὁκόσαι διαφθείρειν μέλλουσι τὰ ἔμβρυα, ταύτῃσιν οἱ τιτθοὶ ἰσχνοὶ γίνονται‧ ἢν δὲ πάλιν σκληροὶ γένωνται, ὀδύνη ἔσται ἢ ἐν τοῖσι τιτθοῖσιν, ἢ ἐν τοῖσιν ἰσχίοισιν, ἢ ἐν τοῖσιν ὀφθαλμοῖσιν, ἢ ἐν τοῖσι γούνασι, καὶ οὐ διαφθείρουσιν. Ὀκόσῃσι τὸ στόμα τῶν ὑστερέων σκληρόν ἐστι, ταύτῃσιν ἀνάγκη τὸ στόμα τῶν ὑστερέων ξυμμύειν. Ὁκόσαι ἐν γαστρὶ ἔχουσαι ὑπὸ πυρετῶν λαμβάνονται, καὶ ἰσχυρῶσ ἰσχναίνονται, ἄνευ προφάσιοσ φανερῆσ τίκτουσι χαλεπῶσ καὶ ἐπικινδύνωσ, ἢ ἐκτιτρώκουσαι κινδυνεύουσιν. Ἐπὶ Ῥόῳ γυναικείῳ σπασμὸσ καὶ λειποθυμίη ἢν ἐπιγένηται, κακόν. Καταμηνίων γενομένων πλειόνων, νοῦσοι ξυμβαίνουσι, καὶ, μὴ γινομένων, ἀπὸ τῆσ ὑστέρησ γίνονται νοῦσοι. Ἐπὶ ἀρχῷ φλεγμαίνοντι, καὶ ὑστέρῃ φλεγμαινούσῃ, στραγγουρίη ἐπιγίνεται, καὶ ἐπὶ νεφροῖσιν ἐμπύοισι στραγγουρίη ἐπιγίνεται, ἐπὶ δὲ ἥπατι φλεγμαίνοντι λὺγξ ἐπιγίνεται. Γυνὴ ἢν μὴ λαμβάνῃ ἐν γαστρὶ, βούλῃ δὲ εἰδέναι εἰ λήψεται, περικαλύψασ ἱματίοισι, θυμία κάτω‧ κἢν μὲν πορεύεσθαι δοκέῃ ἡ ὀδμὴ διὰ τοῦ σώματοσ ἐσ τὰσ Ῥῖνασ καὶ ἐσ τὸ στόμα, γίνωσκε ὅτι αὐτὴ οὐ δι’ ἑωυτὴν ἄγονόσ ἐστίν. Ἢν γυναικὶ ἐν γαστρὶ ἐχούσῃ αἱ καθάρσιεσ πορεύωνται, ἀδύνατον τὸ ἔμβρυον ὑγιαίνειν. Ἢν γυναικὶ αἱ καθάρσιεσ μὴ πορεύωνται, μήτε φρίκησ, μήτε πυρετοῦ ἐπιγινομένου, ἆσαι δὲ αὐτῇ προσπίπτωσι, λογίζου ταύτην ἐν γαστρὶ ἔχειν. Ὁκόσαι ψυχρὰσ καὶ πυκνὰσ τὰσ μήτρασ ἔχουσιν, οὐ κυί̈σκουσιν‧ καὶ ὁκόσαι καθύγρουσ ἔχουσι τὰσ μήτρασ, οὐ κυί̈σκουσιν, ἀποσβέννυται γὰρ ὁ γόνοσ‧ καὶ ὁκόσαι ξηρὰσ μᾶλλον καὶ περικαέασ, ἐνδείῃ γὰρ τῆσ τροφῆσ φθείρεται τὸ σπέρμα‧ ὁκόσαι δὲ ἐξ ἀμφοτέρων τὴν κρᾶσιν ἔχουσι ξύμμετρον, αἱ τοιαῦται ἐπίτεκνοι γίνονται. Παραπλησίωσ δὲ καὶ ἐπὶ τῶν ἀῤῬένων‧ ἢ γὰρ διὰ τὴν ἀραιότητα τοῦ σώματοσ τὸ πνεῦμα ἔξω φέρεται πρὸσ τὸ μὴ παραπέμπειν τὸ σπέρμα‧ ἢ διὰ τὴν πυκνότητα τὸ ὑγρὸν οὐ διαχωρέει ἔξω‧ ἢ διὰ τὴν ψυχρότητα οὐκ ἐκπυροῦται, ὥστε ἀθροίζεσθαι πρὸσ τὸν τόπον τοῦτον‧ ἢ διὰ τὴν θερμασίην τὸ αὐτὸ τοῦτο γίνεται. Γάλα διδόναι κεφαλαλγέουσι κακόν‧ κακὸν δὲ καὶ πυρεταίνουσι, καὶ οἷσιν ὑποχόνδρια μετέωρα καὶ διαβορβορύζοντα, καὶ τοῖσι διψώδεσι‧ κακὸν δὲ, καὶ οἷσι χολώδεεσ αἱ ὑπ χωρήσιεσ ἐν ὀξέσι πυρετοῖσιν ἐοῦσι, καὶ οἷσιν αἵματοσ πολλοῦ διαχώρησισ γέγονεν‧ ἁρμόζει δὲ φθινώδεσι μὴ λίην πολλῷ πυρέσσουσιν‧ διδόναι δὲ καὶ ἐν πυρετοῖσι μακροῖσι βληχροῖσι, μηδενὸσ τῶν προειρημένων σημείων παρεόντοσ, παρὰ λόγον δὲ ἐκτετηκότων. Ὁκόσοισιν οἰδήματα ἐφ’ ἕλκεσι φαίνεται, οὐ μάλα σπῶνται, οὐδὲ μαίνονται‧ τουτέων δὲ ἀφανισθέντων ἐξαίφνησ, τοῖσι μὲν ὄπισθεν σπασμοὶ, τέτανοι, τοῖσι δὲ ἔμπροσθεν μανίαι, ὀδύναι πλευροῦ ὀξεῖαι, ἢ ἐμπύησισ, ἢ δυσεντερίη, ἢν ἐρυθρὰ μᾶλλον ᾖ τὰ οἰδήματα. Ἢν, τραυμάτων ἰσχυρῶν ἐόντων καὶ πονηρῶν, οἴδημα μὴ φαίνηται, μέγα κακόν. Τὰ χαῦνα, χρηστὰ, τὰ ἔνωμα, κακά. Τῷ τὰ ὄπισθεν τῆσ κεφαλῆσ ὀδυνωμένῳ ἡ ἐν μετώπῳ ὀρθίη φλὲψ τμηθεῖσα, ὠφελέει. Ῥίγεα ἄρχεται, γυναιξὶ μὲν ἐξ ὀσφύοσ μᾶλλον καὶ διὰ νώτου ἐσ κεφαλήν‧ ἀτὰρ καὶ ἀνδράσι μᾶλλον ὄπισθεν, ἢ ἔμπροσθεν τοῦ σώματοσ, οἱο͂ν ἀπὸ πήχεων καὶ μηρῶν‧ ἀτὰρ καὶ τὸ δέρμα ἀραιὸν ἔχουσι, δηλοῖ δὲ τοῦτο ἡ θρίξ. Οἱ ὑπὸ τεταρταίων ἁλισκόμενοι ὑπὸ σπασμοῦ οὐ πάνυ τι ἁλίσκονται‧ ἢν δὲ ἁλίσκωνται πρότερον, εἶτα ἐπιγένηται τεταρταῖοσ, παύονται. Ὁκόσοισι δέρματα περιτείνεται καρφαλέα καὶ σκληρὰ, ἄνευ ἱδρῶτοσ τελευτῶσιν‧ ὁκόσοισι δὲ χαλαρὰ καὶ ἀραιὰ, σὺν ἱδρῶτι τελευτῶσιν. Οἱ ἰκτεριώδεεσ οὐ πάνυ τι πνευματώδεέσ εἰσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., AFORISMOI., 72.

(히포크라테스, Oeuvres Completes D'Hippocrate., AFORISMOI., 72.)

상위

목록

SEARCH

MENU NAVIGATION