헬라어 문장 검색 - Ηιπποξ́Οευϝρεσ́07́24́0́

(히포크라테스, Oeuvres Completes D'Hippocrate., MOXLIKOS., 26.)

Γόνυ δὲ εὐηθέστερον ἀγκῶνοσ, διὰ τὴν εὐσταλίην καὶ εὐφυί̈ην‧ διὸ καὶ ἐκπίπτει καὶ ἐμπίπτει Ῥᾷον. Ἐκπίπτει δὲ πλειστάκισ ἐσω, ἀτὰρ καὶ ἔξω, καὶ ὄπισθεν. Ἐμβολαὶ δὲ, ἢ ἐκ τοῦ ξυγκεκάμφθαι, ἢ ἐκλακτίσαι ὀξέωσ, ἢ ξυνελίξασ ταινίησ ὄγκον, ἐν ἰγνύῃ θεὶσ, ἀμφὶ τοῦτον ἐξαίφνησ ἐσ ὄκλασιν ἀφεῖναι τὸ σῶμα, μάλιστα ἐν τῇ τῶν ὄπισθεν‧ δύναται δὲ καὶ κατατεινόμενα μετρίωσ, ὥσπερ ἀγκὼν, ἐμπίπτειν τὰ ὄπισθεν. Τὰ δὲ ἔνθα, ἢ ἔνθα, ἐκ τοῦ ξυγκεκάμφθαι, ἢ ἐκλακτίσαι, [ἢ] ἐν καταστάσει, μάλιστα δὲ αὐτὴ τὸ ὄπισθεν‧ ἀτὰρ καὶ ἐκ κατατάσιοσ μετρίησ. Ἡ διόρθωσισ ἅπασι κοινή. Ἢν δὲ μὴ ἐμπέσῃ, τοῖσι μὲν ὄπισθεν ξυγκάμπτειν οὐ δύνανται, ἀτὰρ οὐδὲ τοῖσιν ἄλλοισι πάνυ τι‧ μινύθει δὲ μηροῦ καὶ κνήμησ τὸ ἔμπροσθεν. Ἢν δὲ ἐσ τὸ ἔσω, βλαισότεροι, μινύθει δὲ τὰ ἔξω. Ἢν δὲ ἐσ τὰ ἔξω, γαυσότεροι, χωλοὶ δὲ ἧσσον, κατὰ γὰρ τὸ παχύτερον ὀστέον ὀχέει, μινύθει δὲ τὰ ἔσω. Ἐκ γενεῆσ δὲ ἢ ἐν αὐξήσει, κατὰ λόγον τὸν πρόσθεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., MOXLIKOS., 26.

(히포크라테스, Oeuvres Completes D'Hippocrate., MOXLIKOS., 26.)

상위

목록

SEARCH

MENU NAVIGATION