Hippocrates, Oeuvres Completes D'Hippocrate., ΠΕΡΙ ΑΙΜΟΡΡΟΙΔΩΝ., 7.

Ἦν δὲ βούλῃ μήτε καίειν, μήτε ἀποτάμνειν, προκαταιονήσασ ὕδατι πολλῷ θερμῷ, καὶ ἐκτρέψασ τὴν ἕδρην, σμύρναν τρίψασ λείην καὶ κηκίδα, καὶ στυπτηρίην αἰγυπτίην κατακαύσασ, ἓν καὶ ἥμισυ πρὸσ τἄλλα, καὶ μελαντηρίησ ἄλλο τοσοῦτον, τουτέοισι ξηροῖσι χρῆσθαι‧ ἡ δὲ αἱμοῤῬοϊσ τουτέοισι τοῖσι φαρμάκοισιν ἀποστήσεται, ὥσπερ σκύτοσ κατακεκαυμένον‧ ταῦτα ποιέειν μέχρισ ἂν πάσασ ἀφανίσῃσ. Καὶ χαλκίτιδοσ ἥμισυ κεκαυμένον τωὐτὸ ἀπεργάζεται.