헬라어 문장 검색 - Ηιπποξ́Οευϝρεσ́02́07́0́

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ ΝΟΘΑ., 7.)

Ἢν πυρετὸσ λάβῃ παλαιῆσ κόπρου ὑπεούσησ, νεοβρῶτι ἐόντι, ἤν τε ξὺν ὀδύνῃ πλευροῦ, ἤν τε μὴ, ἡσυχίην ἄγειν μέχρισ οὗ καταβῇ τὰ σιτία πρῶτον ἐσ τὴν κάτω κοιλίην‧ πόματι δὲ χρεέσθω ὀξυμέλιτι‧ ὁκόταν δὲ ἐσ τὴν ὀσφὺν βάροσ ἥκῃ, κάτω κλύσαι κλυσμῷ, ἢ καθᾶραι φαρμάκῳ‧ ὁκόταν δὲ καθαρθῇ, διαιτᾷν Ῥοφήματι πρῶτον καὶ πόματι μελικρήτῳ‧ ἔπειτα σιτίοισι καὶ ἰχθύσιν ἑφθοῖσι καὶ οἴνῳ ὑδαρεῖ, ἐσ νύκτα ὀλίγῳ‧ ἡμέρῃ δὲ ὑδαρὲσ μελίκρητον. Ὁκόταν δὲ αἱ φῦσαι δυσώδεεσ ἐώσιν, οὕτωσ ἢ βαλάνῳ ἢ κλυσμῷ‧ εἰ δὲ μὴ, ἐπισχεῖν ὀξύμελι πίνοντα, ἑώσ ἂν καταβῇ ἐσ τὴν κάτω κοιλίην, εἶθ’ οὕτω κλυσμῷ ὑπαγαγεῖν. Ἢν δὲ λαπαρῷ ἐόντι καῦσοσ ἐπιγένηται, ἤν σοι δοκέῃ φαρμακεύειν ἐπιτηδείωσ ἔχειν, ἔσω τριῶν ἡμερέων μὴ φαρμακεύειν, ἀλλ’ ἢ τεταρταῖον. Ὁκόταν δὲ φαρμακεύσῃσ, τοῖσι Ῥοφήμασι χρῶ, διαφυλάσσων τοὺσ παροξυσμοὺσ τῶν πυρετῶν, ὅκωσ μηδέποτε προσοίσεισ μελλόντων ἔσεσθαι τῶν πυρετῶν, ἀλλὰ ληγόντων, ἀλλὰ παυσαμένων, καὶ ὡσ ποῤῬωτάτω ἀπὸ τῆσ ἀρχῆσ. Ποδῶν δὲ ψυχρῶν ἐόντων, μήτε ποτὸν μήτε Ῥόφημα μήτ’ ἄλλο μηδὲν δίδου τοιόνδε, ἀλλὰ μέγιστον ήγο τοῦτ εἰναι διαφυλάσσεσθαι, ἑώσ ἂν διάθερμοι σφόδρα γένωνται‧ εἶθ’ οὕτω τὸ ξυμφέρον πρόσφερε. Ὡσ γὰρ ἐπιτοπουλὺ σημεῖόν ἐστι μέλλοντοσ παροξύνεσθαι τοῦ πυρετοῦ ψύξισ ποδῶν‧ εἰ δ’ ἐν τοιούτῳ καιρῷ προσοίσεισ, ἅπαντα τὰ μέγιστα ἐξαμαρτήσεισ‧ τὸ γὰρ νούσημα αὐξήσεισ οὐ σμικρῶσ. Ὁκόταν δὲ ὁ πυρετὸσ λήγῃ, τοὐναντίον οἱ πόδεσ θερμότεροι γίγνονται τοῦ ἄλλου σώματοσ‧ αὔξεται μὲν γὰρ ψύχων τοὺσ πόδασ, ἐξαπτόμενοσ ἐκ τοῦ θώρηκοσ, ἐσ τὴν κεφαλὴν ἀναπέμπων τὴν φλόγα‧ ξυνδεδραμηκότοσ δὲ ἅλεσ τοῦ θερμοῦ ἅπαντοσ ἄνω, καὶ ἀναθυμιωμένου ἐσ τὴν κεφαλὴν, εἰκότωσ οἱ πόδεσ ψυχροὶ γίγνονται, ἄσαρκεσ καὶ νευρώδεεσ φύσει ἐόντεσ‧ ἔτι δὲ πουλὺ ἀπέχοντεσ τῶν θερμοτάτων τόπων ψύχονται, ξυναθροιζομένου τοῦ θερμοῦ ἐσ τὸν θώρηκα‧ καὶ πάλιν ἀνάλογον, λυομένου τοῦ πυρετοῦ καὶ κατακερματιζομένου, ἐσ τοὺσ πόδασ καταβαίνει‧ κατὰ δὲ τὸν χρόνον τοῦτον ἡ κεφαλὴ καὶ ὁ θώρηξ κατέψυκται. Τοῦ δ’ εἵνεκα προσεκτέον, ὅτι, ὁκόταν οἱ πόδεσ ψυχροὶ ἐώσι, θερμὴν ἀνάγκη τὴν κοιλίην εἶναι καὶ πολλῆσ ἄσησ μεστὴν, καὶ ὑποτεταραγμένη, οἱ πολλοὶ τῶν τοιουτέων τὰσ κροκύδασ ἀφαιρέουσι, καὶ τὰσ Ῥῖνασ σκάλλουσι, καὶ κατὰ βραχὺ μὲν ἀποκρίνονται τὸ ἐρωτώμενον, αὐτοὶ δὲ ἀφ’ ἑωυτῶν οὐδὲν λέγουσι κατηρτημένον‧ δοκέει οὖν μοι τὰ τοιάδε μελαγχολικὰ εἶναι‧ ἢν δὲ τοιῶνδε ἐόντων ἡ κοιλίη ὑγρὴ ᾖ καὶ ξυντήκῃ, δοκέει μοι τὰ Ῥοφήματα ψυχρότερα καὶ παχύτερα προσφέρειν, καὶ τὰ πόματα στατικὰ καὶ οἰνωδέστερα ἢ καὶ στυπτικώτερα. Ὁκόσοισι δὲ τῶν πυρετῶν δῖνοί τε ἀπ’ ἀρχῆσ καὶ σφυγμοὶ κεφαλῆσ εἰσι καὶ οὖρα λεπτὰ, τουτέοισι προσδέχεσθαι πρὸσ τὰσ κρίσιασ παροξυνθησόμενον τὸν πυρετόν‧ οὐ θαυμάσαιμι δ’ ἂν οὐδ’ εἰ παραφρονήσειαν. Οἷσι δὲ ἐν ἀρχῇ τὰ οὖρα νεφελοειδέα καὶ παχέα, τοὺσ τοιούσδε ὑποκαθαίρειν, ἢν καὶ τὰ ἄλλα ξυμφέρῃ‧ ὁκόσοισι δὲ ἐν ἀρχῇ τὰ οὖρα λεπτὰ, μὴ φαρμάκευε τοὺσ τοιούτουσ, ἀλλ’ ἢν δοκέῃ, κλύσαι‧ τούτουσ ξυμφέρει οὕτω θεραπεύεσθαι, τῷ σώματι ἡσυχίην ἄγοντασ, ἀλείφοντά τε καὶ περιστέλλοντα ὁμαλῶσ‧ ποτῷ δὲ χρέεσθαι μελικρήτῳ ὑδαρεῖ, καὶ Ῥοφήματι χυλῷ πτισάνησ ἐσ ἑσπέρην‧ κοιλίην δὲ ὕπαγε κατ’ ἀρχὰσ κλυσμῷ‧ φάρμακα δὲ μὴ πρόσαγε τούτοισιν‧ ἢν γάρ τι κινήσῃσ κατὰ κοιλίην, τὸ οὖρον οὐ πεπαίνεται, ἀλλ’ ἄνιδρόσ τε καὶ ἄκριτοσ ὁ πυρετὸσ ἐπὶ πολὺν χρόνον ἔσται. Τὰ δὲ Ῥοφήματα, ὁκόταν ἐγγὺσ τῶν κρισίων ᾖ, μὴ δίδου, ἢν θορυβῆται, ἢν δ’ ἀνῇ καὶ ἐπιδιδῷ ἐπὶ τὸ βέλτιον‧ φυλάσσεσθαι δὲ χρὴ καὶ τῶν ἄλλων πυρετῶν τὰσ κρίσιασ, καὶ ἀφαιρέειν τὰ Ῥοφήματα κατὰ τοῦτον τὸν καιρόν. Μεμαθήκασι δὲ μακροὶ οἱ πυρετοὶ οἵδε γίγνεσθαι, καὶ ἀποσκήμματα ἴσχειν, ἢν μὲν τὰ κάτω ψυχρὰ ᾖ, περὶ ὦτα καὶ τράχηλον‧ ἢν δὲ μὴ ψυχρὰ ᾖ, ἄλλασ ἴσχειν μεταβολάσ‧ Ῥέει δὲ καὶ αἷμα ἐκ Ῥινῶν, καὶ αἱ κοιλίαι τοῖσι τοιουτέοισιν ἐκταράσσονται‧ ὁκόσοισι δὲ πυρετοὶ ἀσώδεέσ εἰσι, καὶ ὑποχόνδρια ξυντείνουσι, καὶ κεκλιμένοι οὐκ ἀνέχονται ἐν τῷ αὐτέῳ, καὶ τὰ ἄκρεα ψύχονται πάντα, πλείστησ ἐπιμελείησ καὶ φυλακῆσ δέονται‧ διάγειν δὲ τούτοισι προσφέροντασ μηδὲν ἄλλο ἢ ὀξύμελι ὑδαρέσ‧ Ῥόφημα δὲ μὴ πρόσφερε, ἑώσ ἂν λήξῃ, καὶ τὸ οὖρον πεπανθῇ‧ κατακλίνειν δὲ ἐσ ζοφερὰ οἰκήματα, καὶ κατακεκλίσθαι ὡσ ἐπὶ μαλθακωτάτοισι στρώμασι, πολὺν χρόνον ἐπὶ τὰ αὐτὰ καρτερέοντα, καὶ ὡσ ἥκιστα Ῥιπτάζειν‧ μάλιστα γὰρ τοῦτο τοὺσ τοιούτουσ ὠφελέει. Ἐπὶ δὲ τὸ ὑποχόνδριον λίνου σπέρμα ἐγχρίων ἐπιτίθει, φυλασσόμενοσ ὅκωσ μὴ φρίξῃ προστιθέμενοσ‧ ἔστω δὲ ἀκροχλίαρον, ἑφθὸν ἐν ὕδατι καὶ ἐλαίῳ. Τεκμαίρεσθαι δὲ ἐκ τῶν οὔρων τὸ μέλλον ἔσεσθαι‧ ἢν μὲν γὰρ παχύτερα καὶ ὠχρότερα ᾖ, βελτίω‧ ἢν δὲ λεπτότερα καὶ μελάντερα, πονηρότερα‧ ἢν δὲ μεταβολὰσ ἔχῃ, χρόνον τε σημαίνει, καὶ ἀνάγκη τῷ νοσέοντι μεταβάλλειν καὶ ἐπὶ τὰ χείρω καὶ ἐπὶ τὰ βελτίω τὴν ἀνωμαλίην. Τοὺσ δὲ ἀκαταστάνουσ τῶν πυρετῶν ἐᾷν, μέχρισ ἂν στῶσιν, ὁκόταν δὲ στῶσιν, ἀπαντῆσαι διαίτῃ καὶ θεραπείῃ τῇ προσηκούσῃ, κατὰ φύσιν θεωρέων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ ΝΟΘΑ., 7.

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ ΝΟΘΑ., 7.)

상위

목록

SEARCH

MENU NAVIGATION