헬라어 문장 검색 - Ηιπποξ́Οευϝρεσ́01́06́0́

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 6.)

Μάλα μὲν οὖν τὰ πλεῖστα παραπλήσιαί εἰσιν αἱ τιμωρίαι τοῖσί τε ὅλῃσι τῇσι πτισάνῃσι χρεομένοισι, τοῖσί τε τῷ χυλῷ αὐτέῳ‧ τοῖσι δὲ μηδετέρῳ τουτέων, ἀλλὰ ποτῷ μοῦνον, ἔστιν ὅπη καὶ διαφερόντωσ τιμωρητέον. Χρὴ δὲ τό γε πάμπαν οὕτω ποιέειν‧ ἢν νεοβρῶτι ἐόντι αὐτέῳ καὶ κοιλίησ μήπω ὑποκεχωρηκυίησ ἄρξηται ὁ πυρετὸσ, ἤν τε ξὺν ὀδύνῃ, ἤν τε ἄνευ ὀδύνησ, ἐπισχεῖν τὴν δόσιν τοῦ Ῥοφήματοσ, ἔστ’ ἂν οἰήται κεχωρηκέναι ἐσ τὸ κάτω μέροσ τοῦ ἐντέρου τὸ σιτίον. Χρέεσθαι δὲ ποτῷ, ἢν μὲν ἄλγημά τι ἔχῃ, ὀξυμέλιτι χειμῶνοσ μὲν θερμῷ, θέρεοσ δὲ, ψυχρῷ‧ ἢν δὲ πολλὴ δίψα ᾖ, μελικρήτῳ καὶ ὕδατι. Ἔπειτα, ἢν μὲν ἄλγημά τι ἐνῇ, ἢ τῶν ἐπικινδύνων τι ἐμφαίνηται, διδόναι τὸ Ῥόφημα μήτε πουλὺ μήτε παχὺ, μετὰ δὲ τὴν ἑβδόμην, ἢν ἰσχύῃ. Ἤν δὲ μὴ ὑπεληλύθῃ ὁ παλαιότεροσ σῖτοσ νεοβρῶτι ἐόντι, ἢν μὲν ἰσχύῃ τε καὶ ἀκμάζῃ τῇ ἡλικίῃ, κλύσαι‧ ἢν δὲ ἀσθενέστεροσ ᾖ, βαλάνῳ προσχρήσασθαι, ἢν μὴ αὐτόματα διεξίῃ καλῶσ. Καιρὸν δὲ τῆσ δόσιοσ τοῦ Ῥοφήματοσ τόνδε μάλιστα φυλάσσεσθαι, κατ’ ἀρχὰσ καὶ διὰ παντὸσ τοῦ νουσήματοσ‧ ὅταν μὲν οἱ πόδεσ ψυχροὶ ἐώσιν, ἐπισχεῖν χρὴ τοῦ Ῥοφήματοσ τὴν δόσιν, μάλιστα δὲ καὶ τοῦ ποτοῦ ἀπέχεσθαι‧ ὁκόταν δὲ ἡ θέρμη καταβῇ ἐσ τοὺσ πόδασ, τότε διδόναι, καὶ νομίζειν μέγα δύνασθαι τὸν καιρὸν τοῦτον ἐν πάσῃσι τῇσι νούσοισιν‧ οὐχ ἥκιστα δὲ ἐν τῇσιν ὀξείῃσι, μάλιστα δὲ ἐν τῇσι μᾶλλον πυρετώδεσι καὶ ἐπικινδυνοτάτῃσιν. Χρέεσθαι δὲ πρῶτον μάλιστα μὲν χυλῷ, ἔπειτα δὲ πτισάνῃ, κατὰ τὰ τεκμήρια τὰ προγεγραμμένα ἀκριβέωσ θεωρέων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 6.

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 6.)

상위

목록

SEARCH

MENU NAVIGATION