헬라어 문장 검색 - Ηιπποξ́Οευϝρεσ́01́01́0́

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 1.)

Οἱ ξυγγράψαντεσ τὰσ Κνιδίασ καλεομένασ γνώμασ, ὁκοῖα μὲν πάσχουσιν οἱ κάμνοντεσ ἐν ἑκάστοισι τῶν νουσημάτων ὀρθῶσ ἔγραψαν, καὶ ὁκοίωσ ἔνια ἀπέβαινεν αὐτέων‧ καὶ ἄχρι μὲν τουτέου καὶ μὴ ἰητρὸσ δύναιτο τισ ἂν ὀρθῶσ ξυγγράψαι, εἰ εὖ παρὰ τῶν καμνόντων ἕκαστον πύθοιτο ὁκοῖα πάσχουσιν. Ὁκόσα δὲ προκαταμαθεῖν χρὴ τὸν ἰητρὸν, μὴ λέγοντοσ τοῦ κάμνοντοσ, τουτέων τὰ πολλὰ παρεῖται, ἄλλα ἐν ἄλλοισι, καὶ ἐπικαιρα ἔνια ἐόντα ἐσ τέκμαρσιν. Ὁκόταν δὲ ἐσ τέκμαρσιν λέγηται ὡσ χρὴ ἕκαστα ἰητρεύειν, ἐν τουτέοισι πολλὰ ἑτεροίωσ γιγνώσκω ἢ ὡσ ἐκεῖνοι ἐπεξῄεσαν‧ καὶ οὐ μοῦνον διὰ τοῦτο οὐκ ἐπαινέω, ἀλλ’ ὅτι καὶ ὀλίγοισι τὸν ἀριθμὸν τοῖσιν ἀκέεσιν ἐχρέοντο‧ τὰ γὰρ πλεῖστα αὐτέοισιν εἰρέαται πλὴν τῶν ὀξειῶν νούσων, φάρμακα ἐλατήρια διδόναι καὶ ὀῤῬὸν καὶ γάλα ἐσ τὴν ὡρ́ην πιπίσκειν. Εἰ μὲν οὖν ταῦτα ἀγαθὰ ἦν καὶ ἁρμόζοντα τοῖσι νουσήμασιν, ἐφ’ οἷσι παρῄνεον διδόναι, ἔτι ἂν ἀξιώτερα ἐπαίνου ἦν, ὅτι, ὀλίγα ἐόντα, αὐτάρκεά ἐστιν‧ νῦν δὲ οὐχ οὕτωσ ἔχει. Οἱ μέν τοι ὕστερον ἐπιδιασκευάσαντεσ, ἰητρικώτερον δή τι ἐπῆλθον περὶ τῶν προσοιστέων ἑκάστοισιν‧ ἀτὰρ οὐδὲ περὶ διαίτησ οἱ ἀρχαῖοι ξυνέγραψαν οὐδὲν ἄξιον λόγου, καίτοι μέγα τοῦτο παρῆκαν. Τὰσ μέντοι πολυτροπίασ τὰσ ἐν ἑκάστῃ τῶν νούσων καὶ τὴν πολυσχιδίην αὐτέων οὐκ ἠγνόεον ἔνιοι‧ τοὺσ δὲ ἀριθμοὺσ ἑκάστου τῶν νουσημάτων σάφα φράζειν ἐθέλοντεσ, οὐκ ὀρθῶσ ἔγραψαν‧ μὴ γὰρ οὐκ εὐαρίθμητον εἰή, εἰ τουτέῳ τισ σημανεῖται τὴν τῶν καμνόντων νοῦσον, τῷ ἕτερον ἑτέρου διαφέρειν τι, καὶ, ἢν μὴ τωὐτὸ νούσημα δοκέῃ εἶναι, μὴ τωὐτὸ οὔνομα ἔχειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 1.

(히포크라테스, Oeuvres Completes D'Hippocrate., ΠΕΡΙ ΔΙΑΙΤΗΣ ΟΞΕΩΝ, 1.)

상위

목록

SEARCH

MENU NAVIGATION