헬라어 문장 검색 - Ηεσιοδ́Τηεογον́1́0́044́

(헤시오도스, 신들의 계보, Book Th. 44:)

Ῥείη δὲ δμηθεῖσα Κρόνῳ τέκε φαίδιμα τέκνα, Ἱστίην Δήμητρα καὶ Ἥρην χρυσοπέδιλον ἴφθιμόν τ’ Αἴδην, ὃσ ὑπὸ χθονὶ δώματα ναίει νηλεὲσ ἦτορ ἔχων, καὶ ἐρίκτυπον Ἐννοσίγαιον Ζῆνά τε μητιόεντα, θεῶν πατέρ’ ἠδὲ καὶ ἀνδρῶν, τοῦ καὶ ὑπὸ βροντῆσ πελεμίζεται εὐρεῖα χθών. καὶ τοὺσ μὲν κατέπινε μέγασ Κρόνοσ, ὥσ τισ ἕκαστοσ νηδύοσ ἐξ ἱερῆσ μητρὸσ πρὸσ γούναθ’ ἵκοιτο, τὰ φρονέων, ἵνα μή τισ ἀγαυῶν Οὐρανιώνων ἄλλοσ ἐν ἀθανάτοισιν ἔχοι βασιληίδα τιμήν. πεύθετο γὰρ Γαίησ τε καὶ Οὐρανοῦ ἀστερόεντοσ, οὕνεκά οἱ πέπρωτο ἑῷ ὑπὸ παιδὶ δαμῆναι καὶ κρατερῷ περ ἐόντι, Διὸσ μεγάλου διὰ βουλάσ· τῷ ὅ γ’ ἄρ’ οὐκ ἀλαὸσ σκοπιὴν ἔχεν, ἀλλὰ δοκεύων παῖδασ ἑοὺσ κατέπινε· Ῥέην δ’ ἔχε πένθοσ ἄλαστον. ἀλλ’ ὅτε δὴ Δί’ ἔμελλε θεῶν πατέρ’ ἠδὲ καὶ ἀνδρῶν τέξεσθαι, τότ’ ἔπειτα φίλουσ λιτάνευε τοκῆασ τοὺσ αὐτῆσ, Γαῖάν τε καὶ Οὐρανὸν ἀστερόεντα, μῆτιν συμφράσσασθαι, ὅπωσ λελάθοιτο τεκοῦσα παῖδα φίλον, τίσαιτο δ’ ἐρινῦσ πατρὸσ ἑοῖο παίδων θ’, οὓσ κατέπινε μέγασ Κρόνοσ ἀγκυλομήτησ. οἳ δὲ θυγατρὶ φίλῃ μάλα μὲν κλύον ἠδ’ ἐπίθοντο, καί οἱ πεφραδέτην, ὅσα περ πέπρωτο γενέσθαι ἀμφὶ Κρόνῳ βασιλῆι καὶ υἱέι καρτεροθύμῳ. πέμψαν δ’ ἐσ Λύκτον, Κρήτησ ἐσ πίονα δῆμον, ὁππότ’ ἄρ’ ὁπλότατον παίδων τέξεσθαι ἔμελλε, Ζῆνα μέγαν· τὸν μέν οἱ ἐδέξατο Γαῖα πελώρη Κρήτῃ ἐν εὐρείῃ τραφέμεν ἀτιταλλέμεναί τε. ἔνθα μιν ἷκτο φέρουσα θοὴν διὰ νύκτα μέλαιναν πρώτην ἐσ Λύκτον· κρύψεν δέ ἑ χερσὶ λαβοῦσα ἄντρῳ ἐν ἠλιβάτῳ, ζαθέησ ὑπὸ κεύθεσι γαίησ, Αἰγαίῳ ἐν ὄρει πεπυκασμένῳ ὑλήεντι. τῷ δὲ σπαργανίσασα μέγαν λίθον ἐγγυάλιξεν Οὐρανίδῃ μέγ’ ἄνακτι, θεῶν προτέρῳ βασιλῆι. τὸν τόθ’ ἑλὼν χείρεσσιν ἑὴν ἐσκάτθετο νηδὺν σχέτλιοσ· οὐδ’ ἐνόησε μετὰ φρεσίν, ὥσ οἱ ὀπίσσω ἀντὶ λίθου ἑὸσ υἱὸσ ἀνίκητοσ καὶ ἀκηδὴσ λείπεθ’, ὅ μιν τάχ’ ἔμελλε βίῃ καὶ χερσὶ δαμάσσασ τιμῆσ ἐξελάειν, ὃ δ’ ἐν ἀθανάτοισι ἀνάξειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hesiod, Theogony, Book Th. 44:

(헤시오도스, 신들의 계보, Book Th. 44:)

상위

목록

SEARCH

MENU NAVIGATION