헬라어 문장 검색 - Ηεσιοδ́Τηεογον́1́0́042́

(헤시오도스, 신들의 계보, Book Th. 42:)

φοίβη δ’ αὖ Κοίου πολυήρατον ἦλθεν ἐσ εὐνήν· κυσαμένη δὴ ἔπειτα θεὰ θεοῦ ἐν φιλότητι Δητὼ κυανόπεπλον ἐγείνατο, μείλιχον αἰεί, ἤπιον ἀνθρώποισι καὶ ἀθανάτοισι θεοῖσιν, μείλιχον ἐξ ἀρχῆσ, ἀγανώτατον ἐντὸσ Ὀλύμπου. γείνατο δ’ Ἀστερίην ἐυώνυμον, ἥν ποτε Πέρσησ ἠγάγετ’ ἐσ μέγα δῶμα φίλην κεκλῆσθαι ἄκοιτιν. ἢ δ’ ὑποκυσαμένη Ἑκάτην τέκε, τὴν περὶ πάντων Ζεὺσ Κρονίδησ τίμησε· πόρεν δέ οἱ ἀγλαὰ δῶρα, μοῖραν ἔχειν γαίησ τε καὶ ἀτρυγέτοιο θαλάσσησ. ἣ δὲ καὶ ἀστερόεντοσ ἀπ’ οὐρανοῦ ἔμμορε τιμῆσ ἀθανάτοισ τε θεοῖσι τετιμένη ἐστὶ μάλιστα. καὶ γὰρ νῦν, ὅτε πού τισ ἐπιχθονίων ἀνθρώπων ἔρδων ἱερὰ καλὰ κατὰ νόμον ἱλάσκηται, κικλῄσκει Ἑκάτην. πολλή τέ οἱ ἕσπετο τιμὴ ῥεῖα μάλ’, ᾧ πρόφρων γε θεὰ ὑποδέξεται εὐχάσ, καί τέ οἱ ὄλβον ὀπάζει, ἐπεὶ δύναμίσ γε πάρεστιν. ὅσσοι γὰρ Γαίησ τε καὶ Οὐρανοῦ ἐξεγένοντο καὶ τιμὴν ἔλαχον, τούτων ἔχει αἶσαν ἁπάντων. οὐδέ τί μιν Κρονίδησ ἐβιήσατο οὐδέ τ’ ἀπηύρα, ὅσσ’ ἔλαχεν Τιτῆσι μετὰ προτέροισι θεοῖσιν, ἀλλ’ ἔχει, ὡσ τὸ πρῶτον ἀπ’ ἀρχῆσ ἔπλετο δασμόσ, καὶ γέρασ ἐν γαίῃ τε καὶ οὐρανῷ ἠδὲ θαλάσσῃ· οὐδ’, ὅτι μουνογενήσ, ἧσσον θεὰ ἔμμορε τιμῆσ, ἀλλ’ ἔτι καὶ πολὺ μᾶλλον, ἐπεὶ Ζεὺσ τίεται αὐτήν. ᾧ δ’ ἐθέλει, μεγάλωσ παραγίγνεται ἠδ’ ὀνίνησιν· ἔν τε δίκῃ βασιλεῦσι παρ’ αἰδοίοισι καθίζει, ἔν τ’ ἀγορῇ λαοῖσι μεταπρέπει, ὅν κ’ ἐθέλῃσιν· ἠδ’ ὁπότ’ ἐσ πόλεμον φθεισήνορα θωρήσσωνται ἀνέρεσ, ἔνθα θεὰ παραγίγνεται, οἷσ κ’ ἐθέλῃσι νίκην προφρονέωσ ὀπάσαι καὶ κῦδοσ ὀρέξαι. ἐσθλὴ δ’ αὖθ’ ὁπότ’ ἄνδρεσ ἀεθλεύωσιν ἀγῶνι, ἔνθα θεὰ καὶ τοῖσ παραγίγνεται ἠδ’ ὀνίνησιν· νικήσασ δὲ βίῃ καὶ κάρτεϊ καλὸν ἀέθλον ῥεῖα φέρει χαίρων τε, τοκεῦσι δὲ κῦδοσ ὀπάζει. ἐσθλὴ δ’ ἱππήεσσι παρεστάμεν, οἷσ κ’ ἐθέλῃσιν. καὶ τοῖσ, οἳ γλαυκὴν δυσπέμφελον ἐργάζονται, εὔχονται δ’ Ἑκάτῃ καὶ ἐρικτύπῳ Ἐννοσιγαίῳ, ῥηιδίωσ ἄγρην κυδρὴ θεὸσ ὤπασε πολλήν, ῥεῖα δ’ ἀφείλετο φαινομένην, ἐθέλουσά γε θυμῷ. ἐσθλὴ δ’ ἐν σταθμοῖσι σὺν Ἑρμῇ ληίδ’ ἀέξειν· βουκολίασ δ’ ἀγέλασ τε καὶ αἰπόλια πλατέ’ αἰγῶν ποίμνασ τ’ εἰροπόκων ὀίων, θυμῷ γ’ ἐθέλουσα, ἐξ ὀλίγων βριάει κἀκ πολλῶν μείονα θῆκεν. οὕτω τοι καὶ μουνογενὴσ ἐκ μητρὸσ ἐοῦσα πᾶσι μετ’ ἀθανάτοισι τετίμηται γεράεσσιν. θῆκε δέ μιν Κρονίδησ κουροτρόφον, οἳ μετ’ ἐκείνην ὀφθαλμοῖσιν ἴδοντο φάοσ πολυδερκέοσ Ηοὖσ. οὕτωσ ἐξ ἀρχῆσ κουροτρόφοσ, αἳ δέ τε τιμαί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hesiod, Theogony, Book Th. 42:

(헤시오도스, 신들의 계보, Book Th. 42:)

상위

목록

SEARCH

MENU NAVIGATION