헬라어 문장 검색 - Γαλεν́ΟντηεΝά1́07́0́

(갈레노스, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 7)

Ἐπὶ δὲ τὴν αὐξητικὴν ἤδη μεταβάντεσ δύναμιν αὐτὸ τοῦθ’ ὑπομνήσωμεν πρῶτον, ὡσ ὑπάρχει μὲν καὶ αὐτὴ τοῖσ κυουμένοισ ὥσπερ καὶ ἡ θρεπτική· ἀλλ’ οἰο͂ν ὑπηρέτιδέσ τινέσ εἰσι τηνικαῦτα τῶν προειρημένων δυνάμεων, οὐκ ἐν αὑταῖσ ἔχουσαι τὸ πᾶν κῦροσ. ἐπειδὰν δὲ τὸ τέλειον ἀπολάβῃ μέγεθοσ τὸ ζῷον, ἐν τῷ μετὰ τὴν ἀποκύησιν χρόνῳ παντὶ μέχρι τῆσ ἀκμῆσ ἡ μὲν αὐξητικὴ τηνικαῦτα κρατεῖ· βοηθοὶ δ’ αὐτῆσ καὶ οἱο͂ν ὑπηρέτιδεσ ἥ τ’ ἀλλοιωτικὴ δύναμίσ ἐστι καὶ ἡ θρεπτική. τί οὖν τὸ ἴδιόν ἐστι τῆσ αὐξητικῆσ δυνάμεωσ; εἰσ πᾶν μέροσ ἐκτεῖναι τὰ πεφυκότα. καλεῖται δ’ οὕτω τὰ στερεὰ μόρια τοῦ σώματοσ, ἀρτηρίαι καὶ φλέβεσ καὶ νεῦρα καὶ ὀστᾶ καὶ χόνδροι καὶ ὑμένεσ καὶ σύνδεσμοι καὶ οἱ χιτῶνεσ ἅπαντεσ, οὓσ στοιχειώδεισ τε καὶ ὁμοιομερεῖσ καὶ ἁπλοῦσ ὀλίγον ἔμπροσθεν ἐκαλοῦμεν. ὅτῳ δὲ τρόπῳ τὴν εἰσ πᾶν μέροσ ἔκτασιν ἴσχουσιν, ἐγὼ φράσω παράδειγμά τι πρότερον εἰπὼν ἕνεκα τοῦ σαφοῦσ. Τὰσ κύστεισ τῶν ὑῶν λαβόντεσ οἱ παῖδεσ πληροῦσί τε πνεύματοσ καὶ τρίβουσιν ἐπὶ τῆσ τέφρασ πλησίον τοῦ πυρόσ, ὡσ ἀλεαίνεσθαι μέν, βλάπτεσθαι δὲ μηδέν· καὶ πολλή γ’ αὕτη ἡ παιδιὰ περί τε τὴν Ιὠνίαν καὶ ἐν ἄλλοισ ἔθνεσιν οὐκ ὀλίγοισ ἐστίν. ἐπιλέγουσι δὲ δὴ καί τιν’ ἔπη τρίβοντεσ ἐν μέτρῳ τέ τινι καὶ μέλει καὶ Ῥυθμῷ καὶ ἔστι πάντα τὰ Ῥήματα ταῦτα παρακέλευσισ τῇ κύστει πρὸσ τὴν αὔξησιν. ἐπειδὰν δ’ ἱκανῶσ αὐτοῖσ διατετάσθαι δοκῇ, πάλιν ἐμφυσῶσί τε καὶ ἐπιδιατείνουσι καὶ αὖθισ τρίβουσι καὶ τοῦτο πλεονάκισ ποιοῦσιν, ἄχρισ ἂν αὐτοῖσ ἡ κύστισ ἱκανῶσ ἔχειν δοκῇ τῆσ αὐξήσεωσ. ἀλλ’ ἐν τούτοισ γε τοῖσ ἔργοισ τῶν παίδων ἐναργῶσ, ὅσον εἰσ μέγεθοσ ἐπιδίδωσιν ἡ ἐντὸσ εὐρυχωρία τῆσ κύστεωσ, τοσοῦτον ἀναγκαῖον εἰσ λεπτότητα καθαιρεῖσθαι τὸ σῶμα καὶ εἴ γε τὴν λεπτότητα ταύτην ἀνατρέφειν οἱοῖ́ τ’ ἦσαν οἱ παῖδεσ, ὁμοίωσ ἂν τῇ φύσει τὴν κύστιν ἐκ μικρᾶσ μεγάλην ἀπειργάζοντο. νυνὶ δὲ τοῦτ’ αὐτοῖσ ἐνδεῖ τὸ ἔργον οὐδὲ καθ’ ἕνα τρόπον εἰσ μίμησιν ἐνδεχόμενον ἀχθῆναι μὴ ὅτι τοῖσ παισὶν ἀλλ’ οὐδ’ ἄλλῳ τινί· μόνησ γὰρ τῆσ φύσεωσ ἴδιόν ἐστιν. ὥστ’ ἤδη σοι δῆλον, ὡσ ἀναγκαία τοῖσ αὐξανομένοισ ἡ θρέψισ. εἰ γὰρ διατείνοιτο μέν, ἀνατρέφοιτο δὲ μή, φαντασίαν ψευδῆ μᾶλλον, οὐκ αὔξησιν ἀληθῆ τὰ τοιαῦτα σώματα κτήσεται. καίτοι καὶ τὸ διατείνεσθαι πάντη μόνοισ τοῖσ ὑπὸ φύσεωσ αὐξανομένοισ ὑπάρχει. τὰ γὰρ ὑφ’ ἡμῶν διατεινόμενα σώματα κατὰ μίαν τινὰ διάστασιν τοῦτο πάσχοντα μειοῦται ταῖσ λοιπαῖσ, οὐδ’ ἔστιν εὑρεῖν οὐδέν, ὃ συνεχὲσ ἔτι μένον καὶ ἀδιάσπαστον εἰσ τὰσ τρεῖσ διαστάσεισ ἐπεκτεῖναι δυνάμεθα. μόνησ οὖν τῆσ φύσεωσ τὸ πάντη διιστάναι συνεχὲσ ἑαυτῷ μένον ἔτι καὶ τὴν ἀρχαίαν ἅπασαν ἰδέαν φυλάττον τὸ σῶμα. καὶ τοῦτ’ ἔστιν ἡ αὔξησισ ἄνευ τῆσ ἐπιρρεούσησ τε καὶ προσπλαττομένησ τροφῆσ μὴ δυναμένη γενέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Galen, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 7

(갈레노스, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 7)

상위

목록

SEARCH

MENU NAVIGATION