헬라어 문장 검색 - ΕυριπίΤηεΤρος́5́7́3́

(에우리피데스, The Trojan Women, episode, antistrophe 3 3:)

σὲ δ’, ὦ φίλ’ Ἕκτορ, εἶχον ἄνδρ’ ἀρκοῦντά μοι ξυνέσει γένει πλούτῳ τε κἀνδρείᾳ μέγαν· ἀκήρατον δέ μ’ ἐκ πατρὸσ λαβὼν δόμων πρῶτοσ τὸ παρθένειον ἐζεύξω λέχοσ. καὶ νῦν ὄλωλασ μὲν σύ, ναυσθλοῦμαι δ’ ἐγὼ πρὸσ Ἑλλάδ’ αἰχμάλωτοσ ἐσ δοῦλον ζυγόν. ἆρ’ οὐκ ἐλάσσω τῶν ἐμῶν ἔχειν κακῶν Πολυξένησ ὄλεθροσ, ἣν καταστένεισ; ἐμοὶ γὰρ οὐδ’ ὃ πᾶσι λείπεται βροτοῖσ ξύνεστιν ἐλπίσ, οὐδὲ κλέπτομαι φρένασ πράξειν τι κεδνόν· ἡδὺ δ’ ἐστὶ καὶ δοκεῖν. ἐσ ταὐτὸν ἥκεισ συμφορᾶσ· θρηνοῦσα δὲ τὸ σὸν διδάσκεισ μ’ ἔνθα πημάτων κυρῶ. αὐτὴ μὲν οὔπω ναὸσ εἰσέβην σκάφοσ, γραφῇ δ’ ἰδοῦσα καὶ κλύουσ’ ἐπίσταμαι. ναύταισ γὰρ ἢν μὲν μέτριοσ ᾖ χειμὼν φέρειν, προθυμίαν ἔχουσι σωθῆναι πόνων, ὁ μὲν παρ’ οἰάχ’, ὁ δ’ ἐπὶ λαίφεσιν βεβώσ, ὁ δ’ ἄντλον εἴργων ναόσ· ἢν δ’ ὑπερβάλῃ πολὺσ ταραχθεὶσ πόντοσ, ἐνδόντεσ τύχῃ παρεῖσαν αὑτοὺσ κυμάτων δρομήμασιν. οὕτω δὲ κἀγὼ πόλλ’ ἔχουσα πήματα ἄφθογγόσ εἰμι καὶ παρεῖσ’ ἐῶ στόμα· νικᾷ γὰρ οὑκ θεῶν με δύστηνοσ κλύδων. ἀλλ’, ὦ φίλη παῖ, τὰσ μὲν Ἕκτοροσ τύχασ ἐάσον· οὐ μὴ δάκρυά νιν σώσῃ τὰ σά· τίμα δὲ τὸν παρόντα δεσπότην σέθεν, φίλον διδοῦσα δέλεαρ ἀνδρὶ σῶν τρόπων. κἂν δρᾷσ τάδ’, ἐσ τὸ κοινὸν εὐφρανεῖσ φίλουσ καὶ παῖδα τόνδε παιδὸσ ἐκθρέψειασ ἂν Τροίᾳ μέγιστον ὠφέλημ’, ἵν’ ‐ εἴ ποτε ‐ ἐκ σοῦ γενόμενοι παῖδεσ Ἴλιον πάλιν κατοικίσειαν, καὶ πόλισ γένοιτ’ ἔτι. ἀλλ’ ἐκ λόγου γὰρ ἄλλοσ ἐκβαίνει λόγοσ, τίν’ αὖ δέδορκα τόνδ’ Ἀχαιϊκὸν λάτριν στείχοντα καινῶν ἄγγελον βουλευμάτων;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, The Trojan Women, episode, antistrophe 3 3:

(에우리피데스, The Trojan Women, episode, antistrophe 3 3:)

상위

목록

SEARCH

MENU NAVIGATION