헬라어 문장 검색 - ΕυριπίΡηεσυσ́2́0́0́

(에우리피데스, Rhesus, episode)

ἐσ καιρὸν ἥκεισ, καίπερ ἀγγέλλων φόβον· ἅνδρεσ γὰρ ἐκ γῆσ τῆσδε νυκτέρῳ πλάτῃ λαθόντεσ ὄμμα τοὐμὸν ἀρεῖσθαι φυγὴν μέλλουσι· σαίνει μ’ ἔννυχοσ φρυκτωρία. ὦ δαῖμον, ὅστισ μ’ εὐτυχοῦντ’ ἐνόσφισασ θοίνησ λέοντα, πρὶν τὸν Ἀργείων στρατὸν σύρδην ἅπαντα τῷδ’ ἀναλῶσαι δορί. εἰ γὰρ φαεννοὶ μὴ ξυνέσχον ἡλίου λαμπτῆρεσ, οὔτἂν ἔσχον εὐτυχοῦν δόρυ, πρὶν ναῦσ πυρῶσαι καὶ διὰ σκηνῶν μολεῖν κτείνων Ἀχαιοὺσ τῇδε πολυφόνῳ χερί. κἀγὼ μὲν ἦ πρόθυμοσ ἱέναι δόρυ ἐν νυκτὶ χρῆσθαί τ’ εὐτυχεῖ ῥύμῃ θεοῦ· ἀλλ’ οἱ σοφοί με καὶ τὸ θεῖον εἰδότεσ μάντεισ ἔπεισαν ἡμέρασ μεῖναι φάοσ κἄπειτ’ Ἀχαιῶν μηδέν’ ἐν χέρσῳ λιπεῖν. οἳ δ’ οὐ μένουσι τῶν ἐμῶν θυοσκόων βουλάσ· ἐν ὄρφνῃ δραπέτησ μέγα σθένει. ἀλλ’ ὡσ τάχιστα χρὴ παραγγέλλειν στρατῷ τεύχη πρόχειρα λαμβάνειν λῆξαί θ’ ὕπνου, ὡσ ἄν τισ αὐτῶν καὶ νεὼσ θρῴσκων ἔπι νῶτον χαραχθεὶσ κλίμακασ ῥάνῃ φόνῳ, οἳ δ’ ἐν βρόχοισι δέσμιοι λελημμένοι Φρυγῶν ἀρούρασ ἐκμάθωσι γαπονεῖν. Ἕκτορ, ταχύνεισ πρὶν μαθεῖν τὸ δρώμενον· ἅνδρεσ γὰρ εἰ φεύγουσιν οὐκ ἴσμεν τορῶσ. τίσ γὰρ πύρ’ αἴθειν πρόφασισ Ἀργείων στρατόν; οὐκ οἶδ’· ὕποπτον δ’ ἐστὶ κάρτ’ ἐμῇ φρενί. πάντ’ ἂν φοβηθεὶσ ἴσθι, δειμαίνων τόδε. οὔπω πρὶν ἧψαν πολέμιοι τοσόνδε φῶσ. οὐδ’ ὧδέ γ’ αἰσχρῶσ ἔπεσον ἐν τροπῇ δορόσ. σὺ ταῦτ’ ἔπραξασ· καὶ τὰ λοιπὰ νῦν σκόπει. ἁπλοῦσ ἐπ’ ἐχθροῖσ μῦθοσ ὁπλίζειν χέρα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Rhesus, episode

(에우리피데스, Rhesus, episode)

상위

목록

SEARCH

MENU NAVIGATION