헬라어 문장 검색 - ΕυριπίΠηοενισ́03́2́01́

(에우리피데스, Phoenissae, episode, trochees 1:)

εἶμι, μὴ πόνει· σὲ δ’ αἰνῶ, μῆτερ. ἔξιθι χθονόσ. ἔξιμεν· πατέρα δέ μοι δὸσ εἰσιδεῖν. οὐκ ἂν τύχοισ. ἀλλὰ παρθένουσ ἀδελφάσ. οὐδὲ τάσδ’ ὄψῃ ποτέ. ὦ κασίγνηται. τί ταύτασ ἀνακαλεῖσ ἔχθιστοσ ὤν; μῆτερ, ἀλλά μοι σὺ χαῖρε. χαρτὰ γοῦν πάσχω, τέκνον. οὐκέτ’ εἰμὶ παῖσ σόσ. ἐσ πόλλ’ ἀθλία πέφυκ’ ἐγώ. ὅδε γὰρ εἰσ ἡμᾶσ ὑβρίζει. καὶ γὰρ ἀνθυβρίζομαι. ποῦ ποτε στήσῃ πρὸ πύργων; ὡσ τί μ’ ἱστορεῖσ τόδε; ἀντιτάξομαι κτενῶν σε. κἀμὲ τοῦδ’ ἔρωσ ἔχει. ὦ τάλαιν’ ἐγώ· τί δράσετ’, ὦ τέκνα; αὐτὸ σημανεῖ. πατρὸσ οὐ φεύξεσθ’ Ἐρινῦσ; ἐρρέτω πρόπασ δόμοσ. ὡσ τάχ’ οὐκέθ’ αἱματηρὸν τοὐμὸν ἀργήσει ξίφοσ. τὴν δὲ θρέψασάν με γαῖαν καὶ θεοὺσ μαρτύρομαι, ὡσ ἄτιμοσ οἰκτρὰ πάσχων ἐξελαύνομαι χθονόσ, δοῦλοσ ὥσ, ἀλλ’ οὐχὶ ταὐτοῦ πατρὸσ Οἰδίπου γεγώσ· κἄν τί σοι, πόλισ, γένηται, μὴ ἐμέ, τόνδε δ’ αἰτιῶ· οὐχ ἑκὼν γὰρ ἦλθον, ἄκων δ’ ἐξελαύνομαι χθονόσ. καὶ σύ, Φοῖβ’ ἄναξ Ἀγυιεῦ, καὶ μέλαθρα, χαίρετε, ἥλικέσ θ’ οὑμοί, θεῶν τε δεξίμηλ’ ἀγάλματα. οὐ γὰρ οἶδ’ εἴ μοι προσειπεῖν αὖθισ ἔσθ’ ὑμᾶσ ποτε· ἐλπίδεσ δ’ οὔπω καθεύδουσ’, αἷσ πέποιθα σὺν θεοῖσ τόνδ’ ἀποκτείνασ κρατήσειν τῆσδε Θηβαίασ χθονόσ. ἔξιθ’ ἐκ χώρασ· ἀληθῶσ δ’ ὄνομα Πολυνείκη πατὴρ ἔθετό σοι θείᾳ προνοίᾳ νεικέων ἐπώνυμον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Phoenissae, episode, trochees 1:

(에우리피데스, Phoenissae, episode, trochees 1:)

상위

목록

SEARCH

MENU NAVIGATION