헬라어 문장 검색 - ΕυριπίΟρεστεσ́13́2́00́

(에우리피데스, episode, trochees)

ποῦ ’στιν οὗτοσ ὃσ πέφευγεν ἐκ δόμων τοὐμὸν ξίφοσ; προσκυνῶ σ’, ἄναξ, νόμοισι βαρβάροισι προσπίτνων. οὐκ ἐν Ἰλίῳ τάδ’ ἐστίν, ἀλλ’ ἐν Ἀργείᾳ χθονί. πανταχοῦ ζῆν ἡδὺ μᾶλλον ἢ θανεῖν τοῖσ σώφροσιν. οὔτι που κραυγὴν ἔθηκασ Μενέλεῳ βοηδρομεῖν; σοὶ μὲν οὖν ἔγωγ’ ἀμύνειν· ἀξιώτεροσ γὰρ εἶ. ἐνδίκωσ ἡ Τυνδάρειοσ ἆρα παῖσ διώλετο; ἐνδικώτατ’, εἴ γε λαιμοὺσ εἶχε τριπτύχουσ θανεῖν. δειλίᾳ γλώσσῃ χαρίζῃ, τἄνδον οὐχ οὕτω φρονῶν. οὐ γάρ, ἥτισ Ἑλλάδ’ αὐτοῖσ Φρυξὶ διελυμήνατο; ὄμοσον ‐ εἰ δὲ μή, κτενῶ σε ‐ μὴ λέγειν ἐμὴν χάριν. τὴν ἐμὴν ψυχὴν κατώμοσ’, ἣν ἂν εὐορκοῖμ’ ἐγώ. ὧδε κἀν Τροίᾳ σίδηροσ πᾶσι Φρυξὶν ἦν φόβοσ; ἄπεχε φάσγανον· πέλασ γὰρ δεινὸν ἀνταυγεῖ φόνον. μὴ πέτροσ γένῃ δέδοικασ ὥστε Γοργόν’ εἰσιδών; μὴ μὲν οὖν νεκρόσ· τὸ Γοργοῦσ δ’ οὐ κάτοιδ’ ἐγὼ κάρα. δοῦλοσ ὢν φοβῇ τὸν Αἵδην, ὅσ σ’ ἀπαλλάξει κακῶν; πᾶσ ἀνήρ, κἂν δοῦλοσ ᾖ τισ, ἥδεται τὸ φῶσ ὁρῶν. εὖ λέγεισ· σῴζει σε σύνεσισ. ἀλλὰ βαῖν’ ἔσω δόμων. οὐκ ἄρα κτενεῖσ με; ἀφεῖσαι. καλὸν ἔποσ λέγεισ τόδε. ἀλλὰ μεταβουλευσόμεσθα. τοῦτο δ’ οὐ καλῶσ λέγεισ. μῶροσ, εἰ δοκεῖσ με τλῆναι σὴν καθαιμάξαι δέρην· οὔτε γὰρ γυνὴ πέφυκασ ‐ οὔτ’ ἐν ἀνδράσιν σύ γ’ εἶ. τοῦ δὲ μὴ στῆσαί σε κραυγὴν οὕνεκ’ ἐξῆλθον δόμων· ὀξὺ γὰρ βοῆσ ἀκοῦσαν Ἄργοσ ἐξεγείρεται. Μενέλεων δ’ οὐ τάρβοσ ἡμῖν ἀναλαβεῖν ἔσω ξίφουσ· ἀλλ’ ἴτω ξανθοῖσ ἐπ’ ὤμων βοστρύχοισ γαυρούμενοσ· εἰ γὰρ Ἀργείουσ ἐπάξει τοῖσδε δώμασιν λαβών, τὸν Ἑλένησ φόνον διώκων, κἀμὲ μὴ σῴζειν θέλει σύγγονόν τ’ ἐμὴν Πυλάδην τε τὸν τάδε ξυνδρῶντά μοι, παρθένον τε καὶ δάμαρτα δύο νεκρὼ κατόψεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, episode, trochees

(에우리피데스, episode, trochees)

목록

SEARCH

MENU NAVIGATION