헬라어 문장 검색 - ΕυριπίΗεξυβά9́3́3́

(에우리피데스, Hecuba, episode, lyric 3:)

Ἑκάβη δὲ παιδὸσ γνοῦσα θανάσιμον μόρον λόγῳ με τοιῷδ’ ἤγαγ’, ὡσ κεκρυμμένασ θήκασ φράσουσα Πριαμιδῶν ἐν Ἰλίῳ χρυσοῦ· μόνον δὲ σὺν τέκνοισί μ’ εἰσάγει δόμουσ, ἵν’ ἄλλοσ μή τισ εἰδείη τάδε. ἵζω δὲ κλίνησ ἐν μέσῳ κάμψασ γόνυ· πολλαὶ δὲ χεῖρεσ, αἳ μὲν ἐξ ἀριστερᾶσ, αἳ δ’ ἔνθεν, ὡσ δὴ παρὰ φίλῳ, Τρώων κόραι θάκουσ ἔχουσαι, κερκίδ’ Ἠδωνῆσ χερὸσ ᾔνουν, ὑπ’ αὐγὰσ τούσδε λεύσσουσαι πέπλουσ· ἄλλαι δὲ κάμακα Θρῃκίαν θεώμεναι γυμνόν μ’ ἔθηκαν διπτύχου στολίσματοσ. ὅσαι δὲ τοκάδεσ ἦσαν, ἐκπαγλούμεναι τέκν’ ἐν χεροῖν ἔπαλλον, ὡσ πρόσω πατρὸσ γένοιντο, διαδοχαῖσ ἀμείβουσαι χερῶν· κᾆτ’ ἐκ γαληνῶν ‐ πῶσ δοκεῖσ; ‐ προσφθεγμάτων εὐθὺσ λαβοῦσαι φάσγαν’ ἐκ πέπλων ποθὲν κεντοῦσι παῖδασ, αἳ δὲ πολεμίων δίκην ξυναρπάσασαι τὰσ ἐμὰσ εἶχον χέρασ καὶ κῶλα· παισὶ δ’ ἀρκέσαι χρῄζων ἐμοῖσ, εἰ μὲν πρόσωπον ἐξανισταίην ἐμόν, κόμησ κατεῖχον, εἰ δὲ κινοίην χέρασ, πλήθει γυναικῶν οὐδὲν ἤνυον τάλασ. τὸ λοίσθιον δέ, πῆμα πήματοσ πλέον, ἐξειργάσαντο δείν’· ἐμῶν γὰρ ὀμμάτων, πόρπασ λαβοῦσαι, τὰσ ταλαιπώρουσ κόρασ κεντοῦσιν, αἱμάσσουσιν· εἶτ’ ἀνὰ στέγασ φυγάδεσ ἔβησαν· ἐκ δὲ πηδήσασ ἐγὼ θὴρ ὣσ διώκω τὰσ μιαιφόνουσ κύνασ, ἅπαντ’ ἐρευνῶν τοῖχον ὡσ κυνηγέτησ βάλλων ἀράσσων. τοιάδε σπεύδων χάριν πέπονθα τὴν σὴν πολέμιόν τε σὸν κτανών, Ἀγάμεμνον. ὡσ δὲ μὴ μακροὺσ τείνω λόγουσ, εἴ τισ γυναῖκασ τῶν πρὶν εἴρηκεν κακῶσ ἢ νῦν λέγων ἔστιν τισ ἢ μέλλει λέγειν, ἅπαντα ταῦτα συντεμὼν ἐγὼ φράσω· γένοσ γὰρ οὔτε πόντοσ οὔτε γῆ τρέφει τοιόνδ’· ὁ δ’ αἰεὶ ξυντυχὼν ἐπίσταται. μηδὲν θρασύνου μηδὲ τοῖσ σαυτοῦ κακοῖσ τὸ θῆλυ συνθεὶσ ὧδε πᾶν μέμψῃ γένοσ. πολλαὶ γὰρ ἡμῶν, αἳ μέν εἰσ’ ἐπίφθονοι, αἳ δ’ εἰσ ἀριθμὸν τῶν κακῶν πεφύκαμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Hecuba, episode, lyric 3:

(에우리피데스, Hecuba, episode, lyric 3:)

상위

목록

SEARCH

MENU NAVIGATION