Dionysius of Halicarnassus, Antiquitates Romanae, Books X-XX, book 20, chapter 3 1:

βασιλεὺσ δὲ Πύρροσ ὡσ ἔμαθεν, ὅτι Λευκανοὶ καὶ Βρέττιοι καὶ Ταραντῖνοι φεύγουσι προτροπάδην, καὶ λελώβηται τὸ κατ’ ἐκείνουσ μέροσ ἡ φάλαγξ, ἐκ τῆσ καθ’ ἑαυτὸν ἴλησ μέροσ τι παραδοὺσ ἑτέροισ ἡγεμόσι, καὶ ἀπὸ τοῦ δεξιοῦ κέρατοσ ἑτέρουσ ἱππεῖσ, ὅσουσ ὑπέλαβεν ἀρκεῖν, ἀποστέλλει βοηθοὺσ τοῖσ ὑπὸ τῶν Ῥωμαίων διωκομένοισ. ἐν οἷσ δὲ ταῦτα ἐγίνετο χρόνοισ, παρὰ τοῦ δαιμονίου βοήθεια τοῖσ Ῥωμαίοισ ἔκδηλοσ γίνεται.